Bobonaro – Maliana, Vise Ministru Justisa ba Governo dahituk nian Dr. Sebastião Dias Ximenes halao vijita serbisu nian ba iha Dirasaun Terras Propriedades e Servisu Cadastrais no Registo Notariadu Maliana Munisipiu Bobonaro, atividade serbisu ne’e halao iha loron 30 fulan Janeiru 2018, oras 09.10 to’o 12.30 OTL.
Vijita Kortezia ida ne'e atu hare'e besik oinsa Funsionamentu serbisu iha Setór Justisa nian iha Nível Munisipiu, liu – liu iha Maliana Munisipiu Bobonaru.

S.E. Vise Ministru Justisa Dr.Sebastião Dias Ximenes, halo Encontru ho Funsiunariu sira husi Dirasaun Terras Propriedades e Servisu Cadastrais no Registo Notariadu Maliana Munisipiu Bobonaro, Encontru iha oras tolu nia laran ne’e hodi rona Problemas, Sugestão no dezafiu ne’ebe maka Diresaun rua ne’e hasoru lor-loron, liu- liu iha Atendimentu Públiku nian iha Maliana Munisipiu Bobonaro. Aliénde ne’e mos S.E. Vise Ministru Justisa Dr.Sebastião Dias Ximenes, Apela ba Funsiunariu sira atu foo atendimentu nebe diak b publiku no servisu tuir oras servisu nian.

Diresaun Terras Propriedades e Servisu Cadastrais (DTPSC) Maliana Munisipiu Bobonaro, iha Loron 29 Fulan Janeiru 2018 Oras 09:00 to'o 12.00, S.E. Vise Ministru Justisa Dr. Sebastião Dias Ximenes, hala’o vijita serbisu nian ba Dirasaun Terras Propriedades e Servisu Cadastrais Maliana Munisipiu Bobonaro, hodi hare'e serbisu ba kadastru no serbisu disputa ba rai.Diretór Terras e Propriedades Sr. Damião Fontes Lobato, ne’ebe mak relata kona ba serbisu kada Diresaun no eqipamentos ne’ebe maka la Suficinte tebes iha Diresaun Terras Propriedades, Estrutura Funsionáriu Permanente 5, Casuais 1, atividade ne'ebé Diresaun halo hanesan alokasaun, arendamentu, levantamentu kadastru, esporadik ho sistematíko, identifikasaun, mediasaun. Dezafiu ne’ebe maka Diresaun Terras Propriedades e Servisu Cadastrais hasoru maka hanesan Menus tebes Rekursu umanu liu-liu iha area Informasaun Teknologia (IT) no Funsiunario barak maka dupla servisu, Menus Equipamentus, laiha Formasaun no Treinamentu ba Funsionariu sira atu bele servisu ho Profesionalismu, AC barak maka la funsiona tamba laiha manutensaun ba AC no laiha Transporte atu halao serbisu Operasaun atividade ba iha terenu .

Diresaun Registo Notariado (DRN) Bobonaro Munisipiu Maliana,
Iha Loron 29 Fulan Janeiru 2018 Oras 11:30 to'o 12:30, S.E. Vise Ministru Justisa Dr. Sebastião Dias Ximenes, hala’o fali vijita serbisu nian ba Diresaun Registo Notariado (DRN) Maliana Munisipiu Bobonaro, hodi hare'e serbisu ba Registo Notariado. Diretór Registo Notariado Sr. João Maupelo ne’ebe mak relata kona ba serbisu kada Diresaun no eqipamentos ne’ebe maka la Suficinte tebes iha Diresaun Registo Notariado, Estrutura funsionáriu permanente 7, atividade ne'ebé Diresaun halo hanesan atendementu ba Bilhete de Identidade (BI), atendementu ba Certidaun RDTL.
Dezafiu ne’ebe maka Diresaun Registo Notariado (DRN) Maliana Munisipiu Bobonaro, hasoru maka hanesan Menus Rekursu umanu (Funsiunario barak maka dupla servisu) liu iha area Informasaun Teknologia (IT) no Funsiunario barak maka dupla servisu,, Menus Equipamentus, laiha Formasaun no Treinamentu ba Funsionariu sira atu bele servisu ho Profesionalismu, AC barak maka la funsiona tamba laiha manutensaun ba AC no husu Motorizada ida atu halao serbisu Operasaun atividade ba iha terenu.

Marka prezensa iha Encontro ne’e mak; Vise Ministro Justisa, Chefe Gabenete, Diretores, Chefes Departamentos, Funsionáriu Públik Ministériu Justisa Maliana Munisipiu Bobonaro nian.
Vijita Kortezia ne'e termina iha oras 12:15, komutiva Vise Ministro Justisa fila hikas mai Dili.