DILI,MJ-Tersa-feira 11 Marsu 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai, hala’o audiénsia ho reprezentante Díli Financial Business Center (DFBC sigla Inglés), Alexandre Marques Couto, iha sala sorumutu Gabinete Minsitru Justisa, Nú. 47, Rua Justiça, Colmera, Díli.

Reprezentante DFBC esklarese, kompaña Ensul halo konstrusaun kona-bá edifísiu Díli Financial Business Center (DFBC) ne’ebé lokaliza iha Colmera, Díli.
Objetivu hosi enkontru ne’e, atu asegura kontinudade Akordu Investimentu Espesiál ne'ebé asinadu ho Estadu Repúblika Demokrátika Timor-Leste.

Ministru Justisa afirma, IX Governu Konstitusionál laiha objesaun apoia inisiativa setor privada sira hodi kontribui ba dezenvolvimentu ekonómia, más mantein destaka importánsia respeitu mutúo akordu kontartua selebradu hodi garante obrigasaun sira ne’ebé estipula iha kontratu ka akordu.