DILI,MJ-Sabadu 26 Abril 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai partisipa seremónia missa funerál bá mate-isin Maktoban Sua-Santidade Papa Francisco, iha tuku 18:00 otl ne’ebé realiza iha Altar Santu Tasi-Tolu, Díli.

Iha serimónia funeral ne’e, prezíde hosi Bispu Dioséze Baucau, Dom Leandro Maria Alves ne’ebé akompaña hosi Vigáriu Episkópal Pastorál Arkedioséze Dili, Pe. Jovito do Rêgo de Jesus Araújo. Misa funerál ne’e mós partisipa masimu hosi Sua-Eselénsia Prezidente Parlamentu Nasionál deputada Maria Fernada Lay hamutuk ho deputadu sira hotu.

Sua-Eselénsia Primeiru Ministru, Kay Rala Xanana Gusmão hamutuk ho membru sira, koordenador no ekipa sira ba missa fúnebre Amo Papa ne’e, Komandante Jeral FATILIN-FDTL, Komandante Jeral Polísia Nasionál Timor Leste (PNTL), korpu diplomátiku sira no mós sarani sira