DILI,MJ-Sesta-Feira 20 Junu 2025 Ministériu Justisa liuhosi Sua-Eselénsia Ministru Justisa, Dr. Sérgio de Jesus Fernandes da Costa Hornai lidera enkontru hodi diskute no fortalese kona-bá politika Sistema identidade dijitál Uniku, iha sala reuniaun Ministériu Justisa, Colmera, Díli.
Ho despaixu ekipa traballu liuhosi Diretór Nasionál Informasaun Téknolojia Ministériu Justisa, Sebastião Domingos Freitas Belo aprezenta esbosu termu referensia atu bele hetan apresiasaun hosi Ministru Justisa.

Objetivu no vizaun hosi diskusaun ne’e, atu ema hotu iha identidade dijitál konfiavel dezblokea asesu ba servisu sira iha ita nia rai-doben Timor-Leste. Harii baze ba Identidade Konfiável, fó Asesú Universal ba servisu sira, hamutuk fornesimentu Efisiénsia no Integridade iha Setór Públiku, hamosu Fundasaun ba Ekonomia Digital no Governu Digital no fó Poder ba ema atu Kontrola nia Identidade.

Iha aprezentasaun ne’e, partisipa hosi Diretór-Jeral da Polítika de Justisa, Honório Aureliano Soares Magalhães, Diretora-Jerál Administrasaun, Octavia Celeste de Sousa Soares, Diretor Nasional Assossoria Jurídika no Legislação, Dr. Nelinho Vital, Chefe Gabinete Ministro Justisa, Dr. Albertina da Cruz Santa, Diretor Jerál Servisu Rejistu no Notariadu, Agustinho Gonçalves Vieira no Diretor Jerál Terras no Propriedades, Lucas Antonio da Costa no funsionáriu sira.