MINISTRU JUSTISA REALIZA VIZITA OFISIAL BA MINISTERIU JUSTISA REINU TAILANDIA
BANGKOK,MJ-Quarta-Feira 25 Junu 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai ho komitíva kontinua reuniaun bilateral no halao vizita ofisiál ba Sua-Eselénsia Ministru Justisa Reinu Tailândia, Tawee Sodsong iha edifísiu Sentral Ministériu Justisa, Tailândia iha sidade Bangkok.
Durante vizita ida ne’e, Sua-Eselénsia Ministru Justisa Repúblika Demokrátika Timor-Leste no Sua-Eselénsia Ministru Justisa Reinu Tailândia, aborda kona-bá kestaun sira hanesan peskza legál, kombate krime transnasional hanesan droga ilísitu, krime tráfiku umanu no peska illegal. Nune’e nasaun rua ne’e, diskute kona-bá kapasitasaun Rekursu Umanu iha setor justisa inklui iha área Servisu Prizional nian.
Ministru Justisa Repúblika Demokrátika Timor-Leste no Ministru Justisa Reinu Tailândia sei formaliza liu husi kooperasaun iha futuru, tanba Tailândia no Timor-Leste nu’udar nasaun viziñu ne’ebé sei hamutuk iha família bo’ot The Association of Southeast Asian Nations (ASEAN sigla lian Inglés).
Nune’e ligadu ba Diresaun Servisu Prizionál Sua-Eselénsia Ministru Justisa hala’o vizita id aba sentru vokasional Juvenil ne’ebé estabelesidu iha sidade Bangkok, Tailândia ne’ebé akompaña hosi Embaixador Timor-Leste ba Reinu Tailândia, Francisco Cepeda, Conselleiru, Adido Educação, Sra. Secretária Embaixada no Diretor DNAJL no Chefe Dep. Informação Sistema Prisional-DNSPRS.