DILI,MJ-Tersa-Feira 22 Julho 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai lidera reuniaun Konsellu Konsultivu kona-bá Prosedimentu Operasaun Padraun (POP), Sistema Identidade ID Únika no Komisaun Luta-Anti Tráfiku Umanu (KLATU),
iha sala Ministériu Justisa, Colmera, Díli.

Ministru Justisa, Dr. Sérgio Hornai afirma, ohin importante tebes tanba ekipa traballu foti ona inisiativa ida, oinsa maka atu bele reúne ho ita bo’ot sira kona-bá Prosedimentu Operasaun Padraun (POP), Sistema Identidade ID Únika no Komisaun Luta-Anti Tráfiku Umanu (KLATU), hodi bele fasilita servisu opersionál inspesaun no auditoria sira ne'ebé iha Ministériu Justisa.

Objetivu reuniaun konsellu Konsultivu ne’e, atu asegura, buat hotu-hotu ne’ebé maka la’o regularmente presiza iha auditoria ida ne’ebé bele leno andamentu sira la’o to’o iha ne’ebé? Liu-liu ba iha prosesu aprovizionamentu no prosesu sira kona-bá aktu desijaun administrativu sira ne’ebé iha relasionamentu ba iha diresaun jeral administrasaun ninian.
Iha reuniaun konsultivu ne’e, partisipa hosi Diretóra Jerál Administrasaun, Dra. Octaviana Celesta de Sousa Soares, Diretór Jerál Polítika Justisa, Dr. Honorio Aureliano Soares Magalhães, Diretór Jerál Terra no Propriedades, Lucas António da Costa, Diretór Jerál Servisu Rejistu no Notariadu, Dr. Agustinho Gonçalves Vieira, Inspetór Gabinte Inspetór Auditoria, Dr. Salvador da Costa Fernandes, Inspetor Xefe Defensoria Pubika, Dr. Sebastião Amado.

Nune’e mós reprezentante hosi Sentru Formasaun Juridiku no Judisiál, reprezentante hosi Polísia Sientifika Investigasaun Kriminál, Xefe Gabinete Vise-Ministru Fortalesimentu Institusionál, Arão Noe da Araújo Amaral, Xefe Gabinete Terra no Propriedade, Dr. Mariano Barreto no Diretór Nasionál sira, Xefe departamentu sira no funsionáriu tekniku sira seluk.