DILI,MJ-Sesta-Feira 05 Setembro 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai hamutuk ho Sua-Eselénsia Vise-Ministru Fortalesimentu Institusionál, Dr. Paulo Manuel da Silva dos Remédios alerta ba dirijente sira hotu, diresaun terra no propriedade tenke garantia ba rejistu nasional, iha sala Ministériu Justisa, Colmera, Díli.
Iha Konsellu Konsultivu ne’e, Ministru Justisa reafirma dala ida-tan katak, dirijente hotu-hotu hanesan; Diretór Nasional no Jeral, Xefe Departamentu, Xefe Seksaun, no Operadór sira iha diresaun refere.

“Tenke kontinua buka hanoin no kompriende di’ak importánsia kriasaun Diresaun Jeral Terra no Propriedade, atu garante rejistu propriedade nasional” Ministru Justisa alerta ba dirijente sira iha diskusaun reuniaun Konsellu Konsultivu ne’e.
Tanba, bazea ba Dekretu-L.ei Nú. 52/2023, Organika Ministériu Justisav, alinea n). Apoia reuniaun ba Konsellu Konsultivu ba Ministeriu Justisa kabe ba kompetensia Diretór Jeral Polítika Justisa hodi organiza reuniaun Konsellu Konsultivu Ministériu Justisa ne’e.

Tuir ajenda Primeiru, Diresaun Jeral Terra no Propriedade (DGTP sigla portugés), aprezenta levantamentu kadastral (progressu no dezafius nomos atinjimentu ka kuantidade); Segundu, UABIE aprezenta kontratu arrendamentu (progressu no dezafius nomos atinjimentu ka kuantidade): Terseiru CTP aprezenta (progressu no dezafius) kuantidade no kualidade ba desijaun. Kuartu, DGSRN aprezenta registo predial (progressu no dezafius) kuantidade no kualidade.
Ministru Justisa reafirma katak, reuniaun konsellu konsultivu importante ida-ne’e, hala’o tuir Estatutu Orgánika Ministériu Justisa, hodi diskute no tentu vizaun ba programa atividade kada diresaun, espesialmente iha área setoral hanesan terra no propriedade, hodi kontinua ho planu nasional ne’ebé eziste ona.

Tanba konsellu konsultivu fó espasu atu fó informasaun, reinteresa programa prioridade no sub-programa sira, liu-liu iha área terra no propriedade, hodi dezenvolve no halo jestaun di’ak kona-ba propriedade imóveis ho moveis ne’ebé iha kompeténsia Ministériu Justisa.