DILI,MJ-Tersa-Feira 09 Setembro 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai, hala’o diálogu ho Prezidente Board, Rede ba Rai, Dra. Inês Martins, iha sala sorumutu Gabinete Ministru Justisa, Ministériu Justisa, Colmera, Díli.
Objetivu hosi diálogu ne’e, atu fortalese liña koordinasaun ba dezafiu no oportunidade sira, iha área propriedade, no identifika estratéjia ne’ebé susténtavel hodi garantia direitu propriedade, dezenvolvimentu nasional, no reforsa governasaun iha Timor-Leste.

Ministru Justisa, Sérgio Hornai reafirma, Ministériu Justisa liuhosi Diresaun Jeral Terra no Propriedade nia responsabilidade maka implementadór ba polítika públika ne’ebé Konsellu Ministrus aprova, ho enfaze ba rekonesimentu rai no propriedade.
Iha estrutura orgánika IX Governu, Ministériu Justisa mós iha kompeténsia substantivu atu hala’o jestãun kona-ba bens imóvel, hanesan parte integrante husi esforsu nasional hodi garante seguransa jurídica, estabilidáde sosio-ekonómika no dezenvolvimentu susténtavel.

Tanba rai konsidera hanesan patrimóniu públiku, sosiadade sivil iha dever atu kontribui ba prosesu kontrolu. Iha kontestu ida-ne’e, importante atu eziste koordensaun efetivu entre instánsia relevante sira, hodi garantia ezekusaun no monitorizasaun ba materiál sira ne’ebé jere husi Diresaun Terra no Propriedade.
Iha reuniaun ne’e, akompaña Ministru Justisa, Dr. Sérgio Hornai maka hanesan; Prezidente Komisaun Terra no Propriedade, Pascual da Costa Soares, Diretór Jerál Terra no Propriedades, Lucas António da Costa, Diretór Jeral Polítika Justisa, (DGPJ sigla portugés), Honorio Aureliano Soares Magalhães, Diretór Nasionál Asesoria no Lejizlasaun (DNAJL), Dr. Nelinho Vitál, Director Nasional Servisu Kadestrál, Xefe Departamentu Servisu Kadestrál.