BOBONARO,MJ Sesta-Feira 28 Novembro 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai, dezempeña funsaun nu’udár inspetór iha serimónia komemorasaun Loron Proklamasaun Independénsia (28 de Novembru 1975 – 28 de Novembru 2025) ba dala-50, ne’ebé hala’o iha Kampu Gimnásiu Maliana, Munisípiu Bobonaro.
Serimónia ne’e, aprezenta hosi pletaun sira, hanesan FALINTIL Forsa Defeza Timor-Leste, PNTL, Korpu Bombeirus, DNSEP, Guarda Floresta, Funssionáriu Públika husi Munisípiu Bobonaro, Eskuteiru Nasionál Timor-Leste, Eskola IOB Maliana.

Iha tempu serimónia, Ministru Justisa mós fó mensajen ba komunidade kona-ba importánsia hosi historiku Loron Proklamasaun Independénsia, no husu hodi kontinua promove no hametin valor patriótiku, identidade nasional, no partisipasaun ativa ba edukasaun sivika no demokrátiku iha Timor-Leste.
Loron Proklamasaun Independénsia mak tempu di’ak hodi reforsa esperiénsia patriótika, no ita hotu tenke kontinua hasoru ho respeitu historiku hodi hametin estabilidade, paz, no desenvovimentu susténtavel iha rai.

Komemorasaun Unilaterál ne’e, partisipa hosi Autoridade Munisipál, Arcebispo Diocese Maliana, Madre sira, Beteranu sira, Organizasaun Naun-Govermentál, Delegadu sira, Xefe Aldeia, Xefe Suku, Postu Administradór, Partidu Polítiku sira, Diretór sira, Emprezáriu lokál, Nasionál no Internasionál, Asosiasaun Feto Potensiál, professor sira, estudante sira, no komunidade sira no entidade sira seluk.