ROMA,MJ Segunda-Feira 01 Dezembru 2025 Sua-Eselénsia Ministru Justisa Repúblika Demokrátika Timor-Leste, Dr. Sérgio de Jesus Fernandes da Costa Hornai, hamutuk ho delegasaun hosi Ministériu Justisa, partisipa iha XV Kongressu Internasionál Ministru Justisa, iha sesaun dadersan ne’ebé hala’o iha Nouva Aule dei Gruppi Parlamentari, Parlamentu Italianu, Roma-Itália.
Iha sesaun abertura, Adjunta Diretor Peace and Human Rights Division, DAGMAR SCHMIDT TARTAGALI, Swiss Confederation; ANNE EASTWOOD, Embaixadora Monaco ba Italia, MARIO MARAZZITI, Coordenador Abolicao Pena de Morte da Comunidade de Sant Egidio, ida-ne’e mós inklui apresentasaun pontu importante sira hosi Vice Primeiro Ministro e Ministro do Estrangeiro e Cooperação Internacional Republica Italiana, Antonio Tajani.

Aprezentasaun abertura ne’e, Vice Primeiro Ministro e Ministro do Estrangeiro e Cooperação Internacional Republica Italiana, Antonio Tajani esplika, Itália mós kontra pena de morte ho nune la aplika pena de morte iha nia sistema Estadu nian.
Itália rekoñese katak, ema moris hotu iha direitu hanesan, inklui direitu ba moris. Konsidera mós direitu ba moris nu’udár direitu fundamentál ema ida nian. Ho nune'e la iha dalan atu ema ida hasai fali ema seluk nia direitu.
Direitu ba moris. Ita hotu rekoñese katak, Itália mós hetan influénsia makaas hosi doutrina Igreija Katólika nian, ne’ebé foka liu ba Domin, Paz no Dame.