DILI,MJ Sesta-Feira 23 de janeiru 2026 Sua-Eselénsia Ministru Justisa, Dr. Sérgio de Jesus Fernandes da Costa Hornai, dezafia no husu ba emposadu sira, hahu hosi Prezidente no Membru Komisaun Terras no Propriedade sira, hamutuk ho Sekretáriu ba Sekretariadu Tékniku, atu kaer metin sira-nia funsaun ho integridade, tuir Konstituisaun Repúblika Demokrátika Timor-Leste, iha sala Auditóriu Ministériu Justisa, Kolmera, Díli.
“Ohin ita asiste juramentu ne’ebé emposadu sira halo kompromisiu ba ita katak sira sei kaer sira-nia funsaun ida ne’e tuir de’it sira nia konsiensia ida ne’ebé limpu konsiensia helik metin iha konstituisaun iha faktu, prova hodi halo rekonesimentu ba disputa sira ne’ebé la’o iha komunidade” Ministru Justisa hateten lia-hirak ne’e liuhosi nia diskursu iha ambitu serimónia solene tomada de pose ne’e.

Primeiru-Ministru (PM), Kay Rala Xanana Gusmão delega Vise-Primeiru-Ministru, Ministru Koordenadór ba Asuntu Sosiais no Ministru Dezenvolvimentu Rurál no Abitasaun Komunitária, Eng. Mariano Assanami Sabino, Komissáriu Portfóliu Dixiplinar Komissaun Funsaun Públika-CFP, Agapito da Conceição ne’ebé prezide orasaun hosi reverendu Pe. Ângelo Salsinha no konvidadu hosi sai testamuñu okular iha serimonia referida.
Diretór Jerál Polítika Justisa, Dr. Nelinho Vital le sai despaisu nú. 08/GMJ-D/01/2026 de 20 de Janeiru, “Nomeação do Presidente da Comissão de Terras e Propriedades” membro da Comissão de Terras e Propriedades, Dr. Honório Aureliano Soares Magalhães, nomea nu’udar Prezidente Komisaun refere.
Tuir mai despaisu nú. 020/PM/X/2025 kona-bá nomeasaun jurista no membru komisaun de terras no Propriedades maka hanesan; Dra. Belmira Fernanda Soares, Dr. Carlos Siqueira Lemos, Dr. Carmelindo da Silva Caetano, Dr. Honorio Aureliano Soares Magalhães, Doutór. Leonito Ribeiro no Dr. Pascoal da Costa Soares.

Nune’e mós Despaisu nú. 343/GMJ/11/2025 “Nomeia três técnicos especializados efetivos e um suplente para integrarem a comissão de Terras e Propriedades” maka hanesan; Francisco Ribeiro Borges Guterres, Júlio Mota Nhew no Romão Guterres.
Ikus liu, despaisu nú. 09/GMJ-D/01/2026 de 20 de Janeiru, “Nomeação do Secretário da Comissão de Terras e Propriedades” nomear o senhor Crisogno da Costa Neto, Funcionário secretáriado do tecnico da Comissão de terras e propriedades.
Iha serimónia solene ida-ne’e, partisipa mós hosi Vise-Ministru ba Fortalesimentu Institusionál, Dr. Paulo Manuel da Silva dos Remedios, Sekretáriu Estadu Terras no Propriedades Eng. Jaime Xavier Lopes, Prokurador-Jeral da Repúblika, Dr. Nelson de Carvalho, Komissáriu Komissão Anti-Korrupção-CAC, Rui Pereira dos Santos, Vise-Presidente Komisaun A Parlamentu Nasional, Deputadu António Verdial de Sousa, Komandu PNTL, Kordenador Rede ba Rai no familia sira konvidadu no entidade sira seluk.