DILI,PN Tersa-Feira 03 de Fevereiro 2026 Reprezentante povu iha uma fukun Parlamentu Nasionál (PN) aprova ona Projetu Lei nº 9/VI (2ª) – Regulamentu ba Prosesu Adosaun no Prosede Alterasaun Dahuluk ba Kódigu Sivil, lei nú 10/2011, loron 14 fulan setembru. Ho votu unanimidade, a-favor 50, kontra 0, no abstensaun 0, iha faze jeneralidade.
Governu liuhosi Sua-Eselénsia Ministru Justisa, Dr. Sérgio de Jesus Fernandes da Costa Hornai, Sua-Eselénsia Vise-Ministru Asuntus Parlamentares, Adérito Hugo da Costa, Diretór Jerál Polítika Justisa, Dr. Nelinho Vital no Diretór Nasionál Asessor Lejizlasaun hosi Ministériu Justisa hola-parte iha plenária.

Ministru Justisa argumenta, projetu prosesu adosaun fó prioridade ba interese sira-nia fundamentu, garante protesaun família no labarik sira hosi situasaun vulnerabilidade, no respeita ordenamentu jurídiku internasional. Bainhira ratifika Konvensaun Direitu Kriansa Ninian, Estadu Parte tenki hakonu obrigasaun internasional, hodi asegura implementasaun kompletu no kompatibilidade iha lei nasional, sai prinsipiu fundamental hodi orienta polítika no lejislasaun kona-bá direitu sira-nian.

Iha diskusaun no aprovasaun ne’e, Prezidente Parlamentu Nasionál, Deputada Maria Fernanda Lay, akompaña husi membru Meza sira, Prezidente Komisaun F ne’ebé trata asuntu Saúde, Siguransa Sosiál no Igualdade Jeneru, Deputada Maria Gorumali Barreto, no deputadu sira hotu iha plenáriu.