DILI,MJ Segunda-Feira 09 de Fevereiro 2026 Sua-Eselénsia Ministru Justisa, Dr. Sérgio de Jesus Fernandes da Costa Hornai, realiza enkontru ho Embaixadór Malázia iha Timor-Leste, Dato' Amarjit Sarjit Singh, hamutuk ho Departamentu Peskiza Dezenvolvimentu, Malaysian Institute of Microelectronic Systems Berhad (MIMOS-Berhad), iha sala reuniaun Ministériu Justisa, Kolmera, Díli.
Reprezentante MIMOS-Berhad hosi nasaun Malazia, aprezenta kona-bá prosesu dizitalizasaun, liu-liu iha área pasporte no sistema identidade únika. Hodi kompartilla esperiénsia teknika, prosedimentu internasional, no dezenvolvimentu no implementasaun sistema seguru ne’ebé efikaz no fiável.

Nune’e mós ne’e, diskute oinsa Timor-Leste bele dezenvolve no implementa polítika efektivu ba vizaun stratejika, inkluí regulamentu kona-bá protesaun dadus, inovasaun teknolójia, no tranformasaun dijitál nasional, hodi fortifika kapasidade institusionál no servisu publiku.
Ministru Justisa, Dr. Sérgio Hornai akompaña hosi Diretor Jeral Politika Justisa, Dr. Nelinho Vital; Xefe Gabinete Ministru Justisa, Dra. Albertina da Cruz Santa; Diretor Jeral Rejsitu no Notariadu, Agustinho Gonçalves Viera; Diretór Nasionál Teknolojia Informátika no Xefe Departamentu Teknolojia no Informátika.

Reuniaun ida-ne’e, parte hosi kontinuidade dialogu diplomátiku no tèkniku entre Timor-Leste ho Malázia, hodi fortifika kolaborasaun internasional no promóve modernizasaun servisu publiku, inkluí sistema dijitál seguru no efisiente.