TOQUIO,MJ Tersa-Feira 03 de Marsu 2026 Governu Timor-Leste, liuhosi Sua-Eselénsia Ministru Justisa Dr. Sérgio de Jesus Fernandes da Costa Hornai expressa onra bo'ot no hakarak reafirma relasaun amizade entre Governu Timor-Leste no Governo Japaun iha reuniaun estudu konjunta entre Liga Parlamentár Diplomasia Estado de Direito no Liga Parlamentares Amizade Japaun no Timor-Leste iha Tóquio, Japaun.
Ministru Justisa informa katak, Timor-Leste nu’udár Estadu Direitu Demokrátiku kontinua konsolida prinsipiu Estadu ida ne'ebe respeitu ba lei no demokrasia, Justisa ba povu no respeitu ba direitu humanus no respeitu ba vontade popular sidadaun sira nian.
Estadu Timor-Leste hatudu ninia postura proativa no transparente atu hametin ekosistema merkadu livre, hodi kria kondisaun favorável ba investimentu, inovasaun no kresimentu ekonómiku ne’ebé sustentável no inkluzivu. Governu kontinua implementa reforma no asegura seguransa jurídika.

Nune’e mós, Diretor Geral da Política Justiça, Dr. Nelinho Vital, halo apresentasaun konaba kooperasaun servisu iha área justisa entre Timor-Leste no Japão ne’ebé implementa hahu 2009 to’o ohin loron, liuhosi programa hanaran "Joint Study Programme on Legislative Fields, Japan and Timor-Leste".
Programa ida ne’ebé hetan susesu bo’ot, tanba halo kapasitasaun rekursu umanu iha area redasaun lejislativa, semináriu ba operador justisa, Notáriu no Konservador sira inklui registo predial nomos halo analiza ba proposta diploma lei sira relativa ho terras no Propriedades. Ezemplu kolaborasaun ida-ne’e mak rezulta Decreto lei no.36/2025 kona-bá gestão e utilização os domínios de estado.

Iha reunaun ida-ne’e, konklui ho satisfasaun husi membru deputadu sira hosi Parlamentu Japaun nian tanba Orçamento ne’ebé sira aprova tinan-tinan ba kooperasaun ne’ebé implementa hosi ICD-MJ no JICA-Ministerio Negócios Estrangeiros Japão ne’e iha duni resultadu di’ak.