DILI,MJ Tersa-Feira 14 de Marsu 2026 Sua-Eselénsia Ministru Justisa, Dr. Sérgio de Jesus Fernandes da Costa Hornai, lidera enkontru ida kona-ba análize situasaun realizasaun estajiáriu ba majistradu no Defensor Públiku sira ne’ebé remata ona VII kursu, realiza iha sala sorumutu Gabinete Ministru Justisa, Colmera, Díli.
Objetivu hosi enkontru ne’e mak atu avalia no análiza progresu programa estájiu, identifika dezafiu sira ne’ebé hasoru durante períodu estájiu, no buka solusaun apropriadu hodi asegura prosesu formasaun prátika ne’ebé efetivu no efisiente.
Iha enkontru ne’e, parte sira diskute mós kona-ba nesesidade atu hametin koordenasaun interinstitusionál entre entidade relevante sira, hodi garante katak estajiáriu sira bele hetan orientasaun no akompanhamentu ne’ebé adekuadu durante períodu estájiu.

Nune’e mós, Defensor Públiku Jerál, Dr. Câncio Xavier, aprezenta ofisialmente Defensor Públiku Internasionál sira hosi nasaun Brazil, partisipa hosi Prezidente Tribunál Rekursu, Dr. Afonso Carmona; Defensor Públiku Jerál, Dr. Câncio Xavier; Presidente Conselho Gestão e Disciplina da Advocacia, Dr. Nelinho Vital; reprezentante Polísia Siéntifika Investigasaun Kriminál.