DILI,MJ Segunda-Feira 13 Jullu 2026 Ministru Justisa, Dr. Sérgio de Jesus Fernandes da Costa Hornai, partisipa iha reuniaun interministeriál hodi harmoniza preparasaun Planu Médiu Prazu 2027–2030, iha kuadru Pilar Dezenvolvimentu Institusionál.
Objetivu hosi reuniaun ne'e maka atu analiza, diskute no konsolida kontribuisaun hosi entidade kompetente sira ba versaun finál dokumentu ne'ebé sei determina prioridade no intervensaun estratéjika sira ba períodu tinan 2027 to'o 2030.
Elaborasaun Plano Médiu Prazu 2027–2030 ne'e tama ona ba etapa ikus implementasaun Plano Estratéjiku Dezenvolvimentu 2011–2030 no realiza iha kuadru Komisaun Interministeriál Koordenasaun Dezenvolvimentu Setoriál, ne'ebé harii tuir Rezolusaun Governu n.º 43/2024, loron 14 Agostu. Planu ne'e hakarak konsolida roteiru ida atu hametin diversifikasaun ekonomia, promove kresimentu inkluzivu, dezenvolve kapitál umanu no aumenta reziliénsia institusionál nasaun nian to'o tinan 2030.

Pilár Dezenvolvimentu Institusionál bazeia ba objetivu estratéjiku haat, mak: Hametin Estadu Direitu no asesu ba justisa; Hadi'a prestasaun servisu públiku liuhosi descentralizasaun no modernizasaun administrativu; Hametin governasaun, responsabilizasaun no sustentabilidade fiskál; no Hasa'e kapasidade operasionál no supervizaun ba forsa defeza no seguransa.
Objetivu sira ne'e sei implementa liuhosi Área Xave Rezultadu neen, mak: Justisa no Rejime Fundiáriu; Governação Munisipál; Finansas Públikas no Anti-Korrupsaun; Administrasaun Públika no Governu Dijitál; Seguransa no Defeza; no Relasaun Internasionál. Pilár ida ne'e mós integra, ho forma transversál, aspetu igualdade jéneru, defisiénsia no inkluzaun sosiál, nomós mudansa klimátika no protesaun ambientál.

Reuniaun ne'e permite konsolida kontribuisaun hosi parte hotu no hetan konsensu entre entidade partisipante sira atu finaliza esbosu Plano Médiu Prazu 2027–2030 ba Pilár Dezenvolvimentu Institusionál, ne'ebé sei submete ba Konsellu Ministrus atu halo apresiasaun no desizaun.
Iha reuniaun ne'e maka maka hanesan; Primeiru Ministru (PM), Kay Rala Xanana Gusmão; Ministru Prezidénsia Konsellu Ministrus, Agio Pereira, Ministru Planeamentu no Investimentu Estratéjiku, Gastão Francisco de Sousa; Ministra Finansas, Santina José Rodrigues F. Viegas Cardoso; Ministru Defeza, Donaciano do Rosário Gomes; Sekretária Estadu ba Igualdade, Elvina de Sousa Carvalho; Komisáriu Komisaun Anti-Korrupsaun, Rui Pereira dos Santos; no mós reprezentante tékniku hosi instituisaun oioin ne'ebé integra iha Pilár Dezenvolvimentu Institusionál.