DILI,MJ Sesta-Feira 18 Setembru 2026 Ministru Justisa, Dr. Sérgio de Jesus Fernandes da Costa Hornai, hala’o enkontru ho reprezentante kompania, Jinan Yuxiao Group Co., Ltd. hodi diskute oportunidade no potensial investimentu iha Timor-Leste.
Ministru Justisa esplika kona-ba kuadru jurídiku no prosedimentu administrativu, ho énfaze ba seguransa jurídika, transparénsia, previsibilidade no kumprimentu lei. Enkontru ne’e mós aborda oportunidade kooperasaun no investimentu iha futuru, ho objetivu atu kontribui ba dezenvolvimentu ekonomia nasional, kriasaun empregu no fortalesimentu setór privadu.
Embaixadór Estraordináriu no Plenipotensiáriu Timor-Leste ba Repúblika Mosambike, Luis Miguel Siqueira, desempeña papél importante hodi fasilita no promove komunikasaun ho investidór internasionál, inklui reprezentante hosi Jinan Yuxiao Group Co., Ltd., hodi esplora oportunidade investimentu iha Timor-Leste.

Ministériu Justisa reafirma ninia kompromisu atu apoia esforsu Governu nian iha hametin ambiente jurídiku ne’ebé klaru, transparente, seguru no favorável ba investimentu, ho konsiderasaun ba interese nasionál, respeitu ba lei no garantia katak atividade investimentu sira bele fó benefísiu ba dezenvolvimentu no povu Timor-Leste.