ERMERA,MJ Segunda-Feira 28 Setembru 2026 Governu Repúblika Demokrátika Timor-Leste, liuhosi Ministru Justisa, Dr. Sérgio de Jesus Fernandes da Costa Hornai, hamutuk ho Vise-Ministra Negósius Estranjeirus no Kooperasaun, Dra. Jesuína Maria Ferreira Gomes; Xefe Estadu-Maior Jenerál FALINTIL-Forsa Defesa Timor-Leste (F-FDTL), Brigadeiru Jenerál José da Costa Soares “TRIX”; Vise-Prezidente Komisaun A Parlamentu Nasionál, ne’ebé trata kona-bá asuntu Konstitusionál no Justisa, Deputadu António Verdial de Sousa; no Prezidente Autoridade Munisipál Ermera, José Martinho dos Santos Soares, hala’o lansamentu ofisiál ba Programa Formasaun Karakter ba Administrasaun Públika Timor-Leste ba Segundu-Etapa iha Postu Adminsitrativu Letefoho, Munisípiu Ermera.

Formasaun ne’e, ba segundu etapa, hahú hosi Segunda-feira, 28 Setembru 2026, no sei remata iha Segunda-feira, 10 Outubru 2026. Durante períodu formasaun, partisipante sira na’in-176. Tuir programa no materiál formasaun ne’ebé prepara tiha ona. Ho objetivu hametin koñesimentu, kapasidade, disiplina no karakter ba responsabilidade iha servisu Administrasaun públiku.
Programa ida-ne’e nu’udar inisiativa importante hodi hametin karakter, disiplina, integridade, responsabilidade no étika servisu entre funsionáriu no membru administrasaun públika, ho objetivu atu kontribui ba hadi’a kualidade prestasaun servisu públiku no fortalese kultura servisu ne’ebé bazeia ba valor no prinsipiu administrasaun públika.
Iha serimónia lansamentu ne’e, akompaña mos hosi reprezentante husi Polísia Nasionál Timor-Leste (PNTL), autoridade lokal, Xefe Suku sira, Administradór Postu Administrativu Letefoho, Prezidente Komisaun Funsaun Públika, Provedoria dos Direitos Humanos e Justiça (PDHJ), no reprezentante Tribunal Rekursu no seluk tan.