DILI,MJ Kinta-Feira 15 Outubru 2026 Ministru Justisa, Dr. Sérgio de Jesus Fernandes da Costa Hornai, hamutuk ho dirijente sira hosi Ministériu Justisa, harmoniza proposta Orsamentu Jerál Estadu (OJE) ba tinan fiskál 2027, iha sala reuniaun Ministériu Justisa, Kolmera, Díli.
Objetivu hosi enkontru ida-ne’e, atu asegura kona-bá proposta orsamentu Ministériu Justisa ba tinan fiskál 2027 reflete prioridade no nesesidade institusionál, tuir programa no atividade sira ne’ebé planeadu, hodi hadi’a kualidade prestasaun servisu públiku iha setór justisa.
Ministru Justisa hamutuk ho dirijente sira analiza no koordena alokasaun orsamentál ba kada programa no atividade, ho konsiderasaun ba efisiénsia, transparénsia no responsabilidade iha jestaun rekursu públiku.

Ministru Justisa enfatiza katak planeamentu orsamentál tenke bazeia ba prioridade institusionál, nesesidade operasionál no rezultadu ne’ebé hakarak alkansa, atu asegura utilizasaun orsamentu ne’ebé efetivu no kontribui ba hametin sistema justisa no Estadu Direitu iha Timor-Leste.