Versão Inglês

Dili, Timor-Leste, 06/01/2009

Governo Espanha liu husi ajensia Espanha ba Cooprerasaun Dezenvolvimentu Internasional (AECID) anunsia iha 11 Dezembru 2008, kontribuisaun osan adisional ho euro miliuan 1 ba projetu "Hametin Sistema Justisa iha Timor Leste" husi PNUD. Liu husi pakote foun ne'e total kontribuisaun hamutuk husi AECID iha 2008 ba programa ne'e hamutuk 2 miliaun euros."Apoio ne'e sei ajuda setor justisa hodi implementa governu nian prioridade nasional, nebe hare mos, parte seluk atu hasae sidadaun nia asesu ba justisa", dehan Ministra Justisa, Dr. Lucia Lobato. Fundus husi tulun ne'e sei koloka hodi habelar ninia nivel apoio ba judisiariu.

"Governu Espanha hakarak atu asegura funsiona ho efesiente instituisaun judisiariu liu husi fornesementu rekursus nebe adekuadu ho kunhesementu ba autor legal nian.Ami espera katak kontribuisaun ne'e bele ajuda setor justisa bele garante nia implementasaun ho efeisiente kona ba ordem no lei hodi alkansa paz no dezenvolvimentu", dehan Francisco de Asís Lopez, chefe AECID ba Timor Leste.

"Apoio husi Espanha ne'e mai iha periodo nebe importante ba programa sistema justisa PNUD nian, liu liu depois dokumentus ba projetu foun nebe asina husi autoridade judisiariu nasional; hodi re-estruturta no habelar nia atividdae ba tinan 5 oin mai. Hau hakarak hato'o hau nia agradese nebe bo'ot ba Governu Espanha nia kontribuisaun nebe mos hodi ajuda hadia setor judisiariu iha Timor Leste", dehan Akbar Usmani, Country Director PNUD nian.

Atu kapasita no dezenvolve ba Tribunal, Prokurador no Eskritoriu Defensoria Publika husi Programa Sistema Justisa PNUD nian halao tiha servisu hamutuk nebe klean ho instituisaun nasional no mos Konselho Kordenasaun iha tinan 5 liu ba. Programa ba Sistema Justisa oras ne'e dadaun hetan tulun husi Australia, Brasil, Irlanda, Noruega, Portugal, Espanha, Suecia no OHCHR