Justiça liu husi Direcção Nacional dos Direitos Humanos e de Cidadania (DNDHC) servisu hamutuk ho United Nation Development Program (UNDP) halao programa Divulgasaun Leis, Justisa no Direitu Umanus iha Sub-Distrito Maubisse, distritu Ainaro. Atividade ne’e halao iha salaun parokial Maubisse, 11 Fevereiru 2012.

Programa divulgasaun nu’udár programa ne’ebé perioridade atu hala’o duni ba komunidade sira ne’ebé seidauk hetan oportunidade iha tinan kotuk, diresaun ne’e tau perioridade ba komunidade sub-distritu Maubisse ba dahuluk ho tema Lori Justisa bá to’o Povo.

programa divulgasaun ida ne’e program rutina husi DNDHC-MJ hodi dezemina lei no direitus humanos ba komunidade no implementasaun polítika direitus sidadania nian halao ho alvu atu haforsa estadu direitu demokrátiku iha Timor-Leste, hodi fasilita komunidade sira liu husi sira nia partisipasaun no kontribuisaun hodi kompriende sistema lei no justisa iha Timor-Leste.

Iha programa ne’e S.E Vise Ministru Justisa, Ivo Valente esplika ba komunidade oinsa politika governo kona-ba Justisa, Lei no direitus umanus iha Timor-Leste.

Nune mos iha abertura Vise Ministru ne’e apresenta ekipa tekniku sira ne’ebé lori materia divulgasaun hanesan Vise Ministru rasik koalia kona-ba Polítika Governu kona-ba sistema Lei no Justisa iha Timor-Leste baseia ba Estadu Direitu Demokratiku, Director Nasional Promosaun Dezemvolvimentu Generu (DNPDG), Armando da Costa husi SEPI ne’ebé koalia kona ba Lei Violensia Domestika, Directora Nasional Registo no Notariadu, Maria Fatima koalia kona-ba Implementação Lei Pasaporte, Nacionalidade, Bilhete Identidade (BI) no lei kodigu Sívil, Director Nasional Direitus Umanus no Sidadania Celito Cardoso koalia kona-ba Implementasaun Politika Direitus Umanus Timor Leste, Diresaun Nasional Terras Propriedade Servisu Cadastrais, Julio Tilman koalia kona-ba Implementação Regime Jurídico do Bens Imoveís no Politika Governo kona ba Lei Terras iha Timor Leste no Presidente Komisaun Regularizasaun Artes Marsiais, Firminio Diaz Quintas kona-ba Lei Arte Marsiais no autor Tribunál sira mak la marka presenza.

Programa divulgasaun ne’e Vise Ministru Justisa ne’ebé akompañadu husi Administrador sub distritu Maubisse hamutuk partisipa iha sorumutu ne’e to ó remata ho total partisipantes ema nain 300.

João Maupelo da Costa
Relasoes Pública DNDHC