Ministru Justisa Halo Vizita ofisial ba Prizaun Glenu

Dili-Ministru Justica Dionisio Babo Soares ho Vice Ministru Justica Ivo Valenti halo vizita ofisial ba Prizaun Glenu hodi hare dereitamente kondisaun neébe prizoneirus sira hasoru iha Prizaun neé .

Tuir Ministru Justica Dr.Dionisio Babo Soares hateten katak Objektivu halo vizita ida neé atu hare dereitamente kondisaun real ne’ébe akontese iha Prizaun Glenu liu-liu Prizoneirus sira nian kondisaun moris iha Prizaun.

“Vizita Ofisial ida neé atu hare dereitamente kondisaun real neébe Prizaun no Prizoneirus iha Glenu hasoru durante neé iha prizaun ida neé tamba neé ohin hau mai ho Vice MInistru mai halo vizita iha fatin neé alende halo vizita ba Prizoneirus sira ami mos halo diskusaun ho Guarda Prizoneirus sira kona ba difikuldade neébe durante neé sira hasoru” dehan Ministru Justica Dionisio Babo Soares hafoin halo VIzita ofisila iha Prizaun Glenu Segunda (10/09).


MInistru mos inkorazen tan ba Prizoneirus sira atu lalika laran triste ho Justica tamba ema hotu-hotu moris iha Lei nian okos ho ida neé husu ba Prizoneirus sira hotu atu kumpri regras neébe iha prizaun neé iha.

Iha fatin seluk hanesan Direktur Jeral Defensoria Publiku Sergio Hornai hateten katak nudar Depensoria Publiku sempre fasilita sidadaun hotu-hotu iha prosesu justica nian laran tamba neé husu ba Prizoneirus sira atu lalika laran susar ho justisa.

“Depensor Publik sempre fo asistensia masimu ba kliente sira iha prosesu julgamentu iha Tribunal ho ida neé husu ba Prizoneirus sira atu lalika hakfodak no laran tiriste ba justice ami sei fasilita imi iha tempu neébe deit”dehan Sergio Hornai.

Iha vizita neé mos partisia husi dereitamente husi Ministru Justica no Vice MInistru akompania husi Komisaria Direitu Labarik Adalxira Ximenes,Defensor Publik Sergio Hornai,no Arjuntu PDHJ iha vizita neé halo mos diskusaun ho Guarda Prizoneirus sira durante oras Rua (2 ) nian laran.

Pedro Delfim
Media Officer