Embaixador Australia Prontu Nafatin atu fo Ajuda ba Seitor Justica ih Timor Leste

Dili-Embaixador Australia ho nian komitiva hasoru malu ho Ministru Justica Dionisio Babo Soares koalia kona ba koperasaun entre Embaixador Autralia ho Governu Timor Leste liu husi Ministru Justica liu-liu iha seitor Justica nian.

Tuir MInistru Justica Dionisio Babo Soares hateten katak Embaixador mai hasoru malu ho Ministru Justica atu fo apoiu nafatin iha Seitor justica iha Timor Leste liu husi programa Justice Facility neébe halo ona iha governu AMP nian no agora hanesan kontinuasaun ba programa neébe uluk Embaixador Australia halo ho Governu liu husi Ministeriu Justica.

“Embaixador mai hasoru malu ho hau atu koalia koperasaun entre Emabixador Australia ho Ministru Justica hodi fo apoiu nafatin Seitor Justica iha Timor Leste liu husi Programa Justice Facility neébe halo ona iha governu AMP”Dehan Ministru Justica iha edifisiu Ministeriu Justica Caicoli Terca (18/09)

Ministru informa mos katak durante neé governu Autralia liu husi Embaixador iha Timor Leste fo ona ajuda makas iha seitor Justica iha Timor Leste hodi hadia kualidade Seitor Justica nian iha Timor Leste no V governu konstituisional liu husi Ministeriu Justica mos sei presija nafatin sira nian tulun iha futuru.

Iha fatin seluk Embaixador Australia iha Timor Leste Miles Armixage hateten katak objectivu hasoru malu ho Ministru Justica atu halo koperasaun diak entre Ministru Justica no Embaixador Australia hodi fo tulun nafatin ba Ministeriu Justica hodi hadia nafatin seitor justica iha Timor Leste.

“Objetivu hasoru malu ho MInistru Justica atu halo koperasaun diak entre Ministru Justica ho Embaixador Australia iha Timor Leste hodi hadia seitor Justica iha Timor Leste no ami pronto nafatin atu fo apoiu naftin govenru Timor Leste liu-liu iha Seitor justica”dehan Embaixador Miles Armixage iha edifisiu Ministeriu Justica.

Pedro Delfim
Media Officer