MJ Kontinua fahe Sertifikadu Registu Rai nian iha Distritu Manufahi

Manufahi-Ministru Justica Liu husi Sekretariu Estadu Teras e Propriedades kontinua fahe sertifikadu registu rai nian neébe halo ona levantamentu iha tinan kotuk liu ba liu husi ONG ITA NIAN RAI hodi fo rekonhesementu ba komunidade sira nian propriedade.

Tuir Ministru Justica Dionisio Babo Soares hafoin fahe sertifikadu hateten katak Sertifikadu ida neé hanean sertifikadu ba registu laos sertfikadu atu sai nain ba rai tamba neé komunidade neébe ohin simu ona sertifikadu ida neé atu rai didiak hanesan osan mean ida no atu lalika faán arbiru tun sae.

“Husu ba Komunidade neébe ohin simu ona sertifikadu registu ida neé atu rai didiak hanesan osan mean ida no atu lalika faán tutan tan ba ema seluk atu nune labele hamosu probelema iha futuru”Dehan Ministru Justica iha Serimonia Lansamentu fahe sertifikadu iha Distritu Manufahi Sabadu (22/09)

Ministru mos informa tan katak sertifikadu ida neé hanesan sertifikadu registu propriedade maibe V Governu Constituisional liu husi Ministru Justica iha Poltica no responsabilidade ida iha Tinan lima neé nian laran atu bele resolve problema rai iha teritoria Timor Laran Tomak.

“V Governu Constituisional liu husi Ministru Justica iha politica no responsabilidade tomak iha tinan lima neé nian laran atu bele resolve problema rai nian neé akontese iha teritoria laran tomak tamba neé husu ba autoridade local sira atu bele kolobora hamotuk ho governu hodi bele resolve problema neé”dehan Ministru Justica.

Iha fatin hanesan Vice Ministru Justica Ivo Valente hateten katak ohin loron probelema rai akontese iha fatin-fatin tamba neé komonidade tomak atu iha koloborasaun ho governu atu bele resolve probelema disbutak rai neébe akontese entre komunidade sira.

“Husu ba entidade tomak atu kopera hamotuk ho governu hodi resolve probela rai neébe agora dadaun sai prekupasaun ema hotu nian iha rai ida neé ”dehan Vice Minstru Ivo Valente.

Pedro Delfim
Media Officer