MJ Funsionariu Hanesan Servidor Povu Tenke Servi Povu ho Diak

Dili-Tuir Ministru Justisa Dionisio Babo Soares hateten katak Funsionariu publiku hanesan servidor povu no makina ba estadu nian tamba neé funsionariu hotu tenke servisu makas hodi servi duni povu iha rai ida neé.

“Hau husu ba Fusnionariu hotu-hotu atu servisu hodi servi povu ho diak tamba funsionariu sai hanesan servidor no makina ba estadu nian hodi tau interese nasional bo’ot liu interese pribadu nian”dehan Ministru Justisa Dionisio Babo Soares hafoin hasoru malu ho Funsionariu Notariadu iha salaun Diresaun Nasional Registo Notariadu Sexta (10/11)

Ministru mos informa tan katak husu ba Diretor Nasional sira atu tau atensaun ba funsionariu neébe Obandonadu iha tempu servisu ba tur iha liur hodi fuma fali sigaru, atu sai funsionari diak tenke servisu ho professional laos atu servisu tuir ida-idak nian hakarak.

“Husu ba Direitor Nasional tenke foo atensaun ba funsionariu publiku neebe abandonadu iha tempu servisu tur fali iha liur hodi fuma fali sigaru, Direitor sira tenke fo atensaun ba nian funsionariu sira i diak liu haruka ba Distritu hodi servisu iha neba atu nune bele hetan esperensia ”dehan Ministru Justica.

Iha fatin hanesan mos Vice Minstru Justica Ivo Valente hateten katak Funsionariu tenke servisu ho professional laos atu servisu tuir ida-idak nian hakarak ba funsionariu neébe mak la tama servsiu tu-tuir malu dala (3) tenke iha justifikasaun neébe klaru se lae tenke fo sansaun tuir lei funsaun publiku nian neébe vigora ona iha Konstituisaun RDTL.



Pedro Delfim
Gabinete Ministru Justisa
Media Officer