MINISTRU JUSTISA SIMU NO REUNIAUN HO KOMISARIU KOMISAUN ANTI KORRUPSAUN DESKUTI KRIASAUN KOMISAUN KONJUNTA BA KONTROLA ARRENDATARIU SIRA

Komisariu Komisaun Anti Korrupsaun no ninia Adjunto Luis de Oliveira Sampaio foto hamutuk ho Ministru Justisa Dr. Tiago Amaral Sarmento hafoin reuniaun iha Gabinete, Ministru Justisa, Rua Colmera -Dili, Segunda (01/08).

Dili, MJ: Segunda-feira (01/08) dader ne’e, Ministru Justisa Dr. Tiago Amaral Sarmento simu no reuniaun ho Komisariu Komisaun Anti Korrupsaun (CAC-sigla portugués), Sergio Hornai ho Adjuntu CAC, Luis de Oliveira Sampaio, iha knar fatin Ministériu Justisa Rua Colmera, Dili.

Iha reuniuan ne’ebé hala’o iha oras tuku 9 dader ne’e, Ministru Justisa ho Komisariu CAC deskuti kona-ba implementasaun lei no.7/2020 de 26 de Agusto Kona-ba Medidas de Prevensaun no kombate à korrupsaun nomos atu iha diak liu tan kooperasaun servisu ida diak entre Ministériu Justisa no CAC iha âmbitu kombate krime korrupsaun, liu husi desmantela krime korrupsaun foti medidas ba prevensaun krime Korrupsaun, halo sensibilizasaun ba públiku kona-ba medidas prevensaun korrupsaun nomós atu promove Investigasaun Kriminal iha área korrupsaun nian.

Ministru Justisa Dr. Tiago Amaral Sarmento akompaña husi Diretor Nasionál Assesoria Jurídiku no Lejizlasaun, Nelinho Vital no Diretora Rekursu Humanu reuniaun, Nelinha de deus Reuniuan ho Komisaru CAC Sergio Hornai ho no ninia Adjuntu Luis de Oliveira Sampaio iha Ministériu Justisa, Dili, Segunda (01/08).

Komissáriu CAC mós atualiza ba Sr. Ministru kona-ba progressu ba deklarasaun riku soin, bens interesse no rendimentus ne’ebé lao diak tebes.
Iha asuntu ne’ebé konkorda iha reunião né mak sei estabelese memorandum de entendimentu entre Ministériu Justisa ho CAC iha área hanesan: kapasitasaun ba espesialista anti korrupsaun liu husi Sentru Formasaun Jurídiku no Judisiáriu, servisu hamutuk hodi halo sensibilizasaun ba públiku kona-ba medidas prevensaun korrupsaun, nomós Ministériu Justisa nia partisipasaun iha estabelese polítika ba promove no kombate korrupsaun tuir Lei MPCC haruka.

Iha sorin seluk, Komissáriu CAC informa mós ba Sr. Ministru Justisa kona-ba Timor Leste ninia nível transparênsia no kombate korrupsaun ne’ebé agora diak iha mundo internasional, nomós partisipasaun estadu Timor-Leste nian iha eventu United Nation Conventions Against Corruption (UNCAC) nian.
Reuniaun ne’e akompaña mós husi Diretor Nasionál Assesoria Jurídiku no Lejizlasaun (DNAJL) Nelinho Vital no Diretora Nasionál Rekursu Humanu , Nelinha de Deus.

01 Agostu 2022
#Media_Gabinete_MJ