Dili, 20/9/2022, Sua Exselensia Vise Ministru Justisa Dr. José Edmundo Caetano hala’o Enkontru Hamutuk ho Membru Komisaun Interministerial ba Dezenvolvimentu Turismo, Tersa-feira ne’e realiza iha salaun enkontru TradeInvest, Kolmera Dili.

Reuniaun ne’e, lidera husi Ministru Koordenador ba Asuntu Ekonómiku, Eng. Joaquim Amaral, no akompaña husi, Ministru Turizmu Komérsiu no Indústria (MTCI), Sr. José Lucas do Carmo da Silva Vise ministru Justisa Dr. Jose Edmundo Caetano, Ministru Obras Publiku Sr. Abel Pires, Ministru Transportes I Telekomunikasaun Sr. Jose Agostino das Silva, Vise Ministru MAE, Secretario Estado Ambiental no partisipa husi Diretor Excekutivu TradeInvest, Sr. Arcanjo da Silva hamutuk ho ekipa téknika Ministériu no Ajensia Autonomo relevante sira.

Iha enkontru ne’e, foka liu ba lansamentu relatóriu Komisaun Inter-ministerial ba Dezenvolvimentu Turismu (KIDT) no parte téknika mós halo aprezentasaun kona-ba despaxu Nᵒ 05/MCAE/V2022 no despaxo Nᵒ 078/PM/VII/2022, kompetensia kria Komisaun Interministerial ba Dezenvolvimentu Turismu nian, ikus liu partilha mos kona-ba progresu planu estratégiku dezenvolvimentu turismu iha Timor Leste.

Foka mos oinsa kontinua halo koordenasaun servisu ho Ministériu integradu sira bele kolabora hamutuk hodi hare dezenvolvimentu turismu bele diversifika ekonomia rai laran, tamba turismu nudar setor importante ba dezenvolvimentu ekonomiku no kontribui salvaguarda Timor Leste nia patrimonia natural no kultural.
Ikus liu, foto hamutuk no simu relatoriu husi interministerial nian.