Ministru Justisa Dr. Tiago Amaral Sarmento simu no reuniaun ho Assesor Jurídiku no eis Ministru Justisa Dr. Ivo Valente iha knar fatin no akompaña mós husi Diretor Nasionál Assesoria Juridiku no Lejizlasaun DNAJL, Nelinho Vital e assesor Ministru nian ba Asuntu administrasaun no Jurídiku, Kuarta (28/09).

Dili, MJ: Kuarta-feira (28/09) loraik ne'e, Ministru Justisa Dr. Tiago Amaral Sarmento simu Koordenador Gabinete Assesoria Jurídiku Prezidente Repúblika e eis Ministru Justisa Dr. Ivo Valente no Francisco Nicolau iha knar fatin Ministériu Justisa, Rua Colmera, Dili.

Iha reuniaun Dr. Ivo Valente ho Ministru Justisa koalia sobre planu vizita Prezidente Repùblika Dr. Jose Ramos Horta ba Portugal. Kona-ba vizita ofisial PR ba Portugal, Dr. Ivo Valente mai konfirma ho Ministru Justisa, se iha akordo ruma ne'ebé atu assina no area kooperasaun sa ida.

Ministru Justisa Dr. Tiago Amaral Sarmento simu no reuniaun ho Assesor Jurídiku no eis Ministru Justisa Dr. Ivo Valente iha knar fatin no akompaña mós husi Diretor Nasionál Assesoria Juridiku no Lejizlasaun DNAJL, Nelinho Vital e assesor Ministru nian ba Asuntu administrasaun no Jurídiku, Kuarta (28/09).

Ministru Justisa Dr. Tiago Amaral Sarmento dehan Akordu Kooperasaun ho Ministériu Justisa Portugal em vigor hela iha area kooperasaun mak hanesan, apoiu ba formasaun iha Sentru Formasaun Jurídiku no Judisiáriu (SFJJ), apoiu ba Assesoria iha Tribunal, Ministériu Públiku, PCIC no futuru akordu kooperasaun sei abranze mós ba konservador sira.
Ministru Justisa mós halo akordu ho Instituisaun Universidade Coimbra kona-ba formasaun espesífiku ba Juizes, Prokuradores no ba konservadores. Akordu ida ne'e seidauk implementa tanba COVID.

Ministru mós informa katak, tuir Lei Organizasaun Judisiária, tinan oin sei haríi Tribunal primeira instânsia iha fatin tolu (3). Maibe, ita enfrenta hela problema kona-ba Rekursu Humanu. Tanba ne'e, Ministru Justisa husu atu bele informa ba Prezidente Repúblika, hodi koalia ho Estadu Portuguéz, liu-liu Ministru Justisa Portugal, atu bele apoiu Juizes primeira no segunda klasse hodi akompaña ita nia Juiz sira iha Tribunal primeira instânzia ne'ebé sei haríi.

Asuntu seluk ne'ebé deskuti mak, Ministru Justisa fó hanoin mós kona-ba posibilidade atu Estadu rua hamutuk elabora Akordu Billateral entre Portugal ho Timor-Leste kona-ba mobilidade sidadaun país 2 nian. Katak iha akordu ne'e bele kria klauzula ida hodi fó garantia ba Unskill employer. Nune'e Timor oan ne'ebé ba Portugal la ho skill sufisiente mós bele hetan empregu ho saláriu mínimu tuir Lei Portugal nian.

Kona-ba asuntu ne'e, Dr. Ivo valente hatan katak sei aprezenta ba ekipa ne'ebé akompaña PR ba Portugal nomós ba MNEC hodi hamutuk elabora materia liga ba asuntu ida ne'e depois mak aprezenta ba Prezidente Repúblika.

Aleinde koalia asuntu iha leten Dr. Ivo Valente mós aprezenta ba Ministru Justisa xefe komisaun Dr. Francisco Nicolau ba Ministru Justisa.

Reuniaun ne'e akompaña mós husi Diretor Nasionál Assesoria Jurídiku no Lejizlasaun, Nelinho Vital, Assesor Jurídiku MJ, Amandio Benevides no Assesor Administrasaun Tomas M. Correia.

28 Setembru 2022
#Media_Gabinete_MJ