Liquisa, Sua Exselensia Ministru Justisa Interinu Dr. José Edmundo Caétano (Saka Timor) Partisipa Diskusaun no Aprovasaun projetu Lei No.48/v konaba Primeiru Alterasaun ba Estatutu Ministeriu Publiku, Kinta-feira ne’e, realiza iha salaun IADE munisipiu Liquisa, 2/ 3 / 2023.

Komisaun A Parlamentu Nasional Dr. Joaquin dos Santos Borluli ho membru, realiza diskusaun no aprovasaun projetu lei no.48/v/3a hodi halo alterasaun ba Lei no. 7/2022, dia 19 de maio, konaba estatutu Ministerio Publiku. Iha diskusaun ne’e partisipa mos husi membru governu hanesan Ministru Justisa interinu Dr. Jose Edmundo Caetano, parte proponente husi ministeriu publiku, advogadu privadu sira.

Diskusaun no aprovasaun lei ne’e komesa husi proposta numeru 2 alterasaun ba artigu 128 konaba relasaun entre ministeriu publiku no magistratura jusdisial, proposta numeru 1 alterasaun ba artigu 5 alinea 1 ninia funsaun dupla proposta nu.3 altersaun ba artigu 252 konaba multa, proposta nu.4 alterasaun ba artigu nu. 3 i 4 konaba republikasaun estatutu ministeriu publiku, no artigu ne’ebe mak laiha proposta komisaun A PN halo diskusaun no votasaun em koluna. Entre tantu komisaun A sei halo ajendamentu ba iha semana oin tamba diskusaun no aprovasaun sedauk termina.