Lautem, 23/3/2023, Sua Exselensia Vise Ministru Justisa Dr. Jose Edmundo Caetano (Saka Timor) Akompanha Primeiru Ministru General Taur Matan Ruak Lansa Fatuk Dahuluk ba Konstrusaun Tore RTTL. IP. Kinta-Feira Ne’e Realiza iha suku Maina 2 Lalenu.

Iha lansamentu ne’e, abertura husi Exselensia Primeiru Ministru General Taur Matan Ruak, akompanha husi Vise Ministru Justisa Dr. Jose Edmundo Caetano, Ministru MAPCOMS, SECOMS, Prezidenti Autoridade Munisipiu Lautem, Prezidenti Autoridade Munisipiu Ainaro, Ermera, no Komandante PNTL Munisipiu Lautem, no partisipa husi autoridade lokal husi postu Administrativu Lautem hamutuk ho komunidade sira.

Programa hari’i TORE RTTL.IP refere, inisiativa husi VIII Governu Konstitusional liu husi Ministeriu Assuntu Parlamentares no Comunikasaun Sosia (MAPCOMS), no servisu hamutuk ho autoridade Munisipiu Lautem, no komunidade sira husi suku maina 2, Baduru, Serelau hodi autoriza fatin refere konstrui Tore refere.
Objetivu hari’i, Tore RTTL.IP ne’e, hodi fasilita komunidade sira atu asesu informasaun husi rai laran no mos husi rai liur liu husi telvizaun no telemovel.

Nune’e sidadaun sira labele lakon informasaun no akontesimentu sira iha rai laran. MAPCOMS sei hari’i tore iha fatin tolu hanesan, Lautem, Ainaro, Bobonaro no sei presiza tan tore 9 hamutuk tore 12 hodi harii iha Timor laran tomak. Liu husi VIII governu konstitusional hakarak diversika sistem analoc ba iha Sistema Dijital nune’e kompara ho kondisaun mundu globalizasaun agora.
Entre tantu, alende lansamentu ne’e, chefe Governu general Taur Matan Ruak dialogu ho komunidade sira hodi rona prekupasaun sira konaba dezenvolvimentu infrastuturas, iha area refere. Juventude husi posto Lautem hato’o sira prekupasaun konaba oinsa promove juventude iha setor agrikultura, hadia Estrada, dada bee mos, eletrisidade,atu nune’e komunidade sira husi parte refere senti ukun-aan ne’e.

aumesmu tempu Vise Ministru Justisa mos hetan prekupasaun husi komunidade konaba dokumentu hanesan Bileti Indentidade (BI), sertidaun moris (sertidaun RDTL), governante ne’e mos hatan kedas, katak sei buka dalan iha tempu badak no haruka funsionariu sira hodi destaka iha area refere hodi fasilita komunidade sira hodi produs BI no Sertidaun moris, liu-liu idade nebe mak avansadu ona.
Iha sesaun insera, kompanha nebe responsavel ba konstrusaun ne’e, oferese premiu ba autoridade suku husi postu administrativu Lautem.