Maliana-Ministru Justisa Dionisio Babo reprezenta Primeiru Ministru halo natal hamotuk Entre Funsionariu Sekretariu Estadu Seguransa (SES) kompostu husi Unidade Polisia Fronteira (UPF) Servisu Polisia Imigarasaun ho Satgas Pamtas (TNI) Indonezia nian iha Fronteira Batugade Sabado (05/01).

Ministru Justisa Dionisio Babo reprezenta Primeiru Ministru iha diskurusu hateten katak hau (MJ) lori Primeiru Ministru nian naran hakarak hatoó Boas Festa Santo Natal no Feliz ano novo ba ita hotu neébe ohin halibur hamotuk iha fatin ida neé, Primeiru Ministru mos hanesan Ministru Defeza Seguransa la marka prezensa iha fatin ida neé tamba sei halo viajen ba Estranjeiru.

“Moto neébe governu ida neé tau ba iha tinan 2013 katak ita sai sidadaun diak no sai heroi foun ba nasaun ida neé komesa dia 31 loron tulu liu ba Timor Leste pela Primeiru Vez ita hamrik hanesan estado sem apoiu e hanesan uluk ita hetan tea ona ba moto neébe ohin tau iha serimonia ida neé ba tinan oin mai sei refleta no konsidera saida mak ita nian heroi no asuwain sira halo iha tempu pasado “dehan Ministru Justisa Dionisio Babo iha diskursu Natal hamotuk iha Batugade Sabado (05/01).

MJ mos informa tan katak ohin loron Timor Leste hamrik mesak hanesan nasaun seluk iha mundu tamba neé ita nian povu no nasaun eziji ita hotu-hotu no ema ida-idak hanesan sidadaun Timor oan iha disponibilidade atu hanoin iha sentidu Estadu hanesan Timor oan hodi kontribui ho laran tomak ba nasaun no povu iha rai doben ida neé.

“Iha 2013 Timor Leste tama ona iha fase foun ida,fase ida neébe ita hotu tenke esforsu an hodi bele tau ita nian an hanesan paiz sira seluk iha regiaun nomos iha mundu tamba ohin loron ita laos ona nasaun ida neébe hamrik hetan apoiu tamba neé ejiji ita hotu atu sai sidadaun diak no heroi foun hodi haluha tiha buat sira neébe iha pasado hodi hanoin deit buat foun hodi lori nasaun ida neé ba oin”.

Aproveita oportunidade ida neé hau (MJ) lori Primeiru Ministru nian naran hakarak fo parabens ba funsionariu sira neébe servisu iha area fronteira maske ho fasilidade neébe minimu maibe ho nasionalismu neébe boót hodi servisu makas iha area fronteira hodi servi ita nian rai diak liu tan tamba nasaun ida atu lao diak presija mos servisu iha froniteira lao ho diak se fronteira lao la diak iha laran mos lao sei la diak.