Enkontru Avaliasaun iha Aileu

SETP Husu Ba Funsionáriu Sira Uza Kupón Ho Didi’ak

SEKRTETÁRIU Estadu Terras Propriedade, Jaime Xavier Lopes iha loron 9 fulan-Janéiru 2013 bainhira hala’o enkontru jeál ba Avaliasaun Servisu tinan 2012 nian iha Distritu Aileiu husu ba funsionáiru tomak hosi Terras Propriedade atu uza kupón tuir duni nesesidade hodi labele uza kupón arbiru.

Primeiru Xanana Gusmao ameasa, bainhira orsamentu 2013 ne’ebé governu propoin ba Parlamentu Nasionál ne’e PM Xanana deside sei la fornese komostivel b funsionáriu públiku sira hotu.

Iha reuniaun jerál ba avalisaun servisu tinan 2012 hosi Sekretáriu Estadu Terras Propriedade ho diretór DTPSC distritais inklui mós xefi departementu sira iha terras propriedade ne’e, Sekretáriu Estadu Teras Proprioridades Jaime Xavier Lopes hatete, nia la iha kompetensia atu ko’alia ida ne’e ba Diretór sira, maibé ne’e deszisaun PM Xanana hasai bainhira sira hala’o enkontru iha Konsello Ministru foin lalais ne’e relasiona ho funsionáriu sira balun ne’ebé uza komostivel la tuir regra.

‘’Iha enkontru Konseluo Ministro nian foin lalais ne’e, PM Xanana fó samada atensaun ba ami hanesan membru governu hotu-hotu PM Xanana husu ba ami atu informa ba Diretór Jerál hotu no funsionariu tomak iha rai laran katak, bainhira orsamentu iha 2013 ne’e mak PN la aprova, funsionariu hotu-hotu sei la hetan kombostivel,’’dehan Jaime, Kuarta (09/01) iha salaun enontru Bombeiros Distirtu Aileu.

SETP Jaime afirma, nia tenki ko’alia sai PM Xanana nia lian ne’e, atu nune’e Diretór hotu inklui funsionáriu hotu bele maneiza didiak komostivel, tanba orsamentu jeral do estado sei aprova iha fulan-Fevereiru, ne’e duni bainhira orsamentu ne’e aprova mak iha fulan-Marsu mak foin bele ezekuta.

Iha fatin hanesan, Diretór Nasionál DNTPSC Romão Guterres hatete, Xamada atensaun husi PM Xanana ne’e atu fo atensaun ba funsionário hotu-hotu, nune’e la bele uza mangame kombostivel ne’ebé iha, tanba kombostivel mós sai dividas boot ba governu.

nia mos razaun PM Xanana fo sai hanesan ne’e, atu bele maneiza didiak kupon ba kombostivel nebe iha, tanba bainhira kupon kombostivel hotu iha fulan nebe mak orsamentu 2013 seidauk aprova no sei iha diskusaun mak osan atu aumenta ba kombostivel la iha ona, sei hein fali orsamentu Jeral do estado 2013 nebe mak PN sei aprova.*

Ananias Babo Horta

Media no Dokumentasaun SETP