Same 12–01–2013, Vice Ministru Justisa, Ivo Valente hamutuk ho membro balun husi V Governu Konstitusional, akompanha SE. Sr. Primeiro Ministru RDTL Kay Rala Xanana Gusmão, partisipa Inaugurasaun Ponte foun Aiasa sub distritu Same distritu Manufahi.

Ponte nebe liga distritu rua Manufahi ho Ainaro, marka ho simu Liders Nasionais sira ho tradisaun Timor nian Tara tais, Bidu, Lia nain sira simu ho Hamulak husi,akompanha mos husi lideransa lokal distritu rua.

Ho Inaugurasaun nee, hatudu pasu importante nebe V Governu hálo, hodi hatutan esforsu nebe mai husi IV Governu Konstitusional, liderado husi Primeiro Ministru SE. Sr. Kay Rala Xanana Gusmão.

Iha diskursu sira nebe lideres sira hatoo iha serimonia nee, hatudu importansia no funsaun oin–oin husi Ponte Aiasa ba Desenvolvimento Ekonomiku iha distritu rua. ( Manufahi – Ainaro ).

Nune mos Liders komunitário húsu ba populasaun atu labele foti Fatuk ka Rai – Henek nebe besik iha ponte ne'e.

Primeiro Ministru SE. Sr. Kay Rala Xanana Gusmão, antes assina plaka, husu ba Lia Nain sira tesi fita sinal Inaugurasaun ba ponte ne, husu ba ema hotu – hotu atu kuidadu ponte atu bele utiliza ba tempo naruk. Ceremonia neé termina ho dansa tradisional Timor oan nian Dahur.