Dili-Forsa Estabilizasaun Internasional (ISF) neébe lidera husi Kaptaun Dylan Mcdonald hasoru malu ho Ministru Justisa Dionisio Babo hodi informa atu intrega Edifisiu ISF, inkului mos ekipamentus Lojistik ba governu liu husi Ministeriu Justisa.

Hafoin hasoru malu Ministru Justisa Dionisio Babo informa katak Forsa ISF hasoru malu ho hau (MJ) atu intrega Edifisiu ISF inkului mos ekipamentus lojistik ba Governu liu husi Ministeriu Justisa edifisiu neé sei intrega ba governu iha fulan Fevereiru tinan ida neé.

“Ita hotu hatene katak misaun ISF agora dadaun atu remata ona tamba neé ekipamentus lojistik no edifisiu neébe durante nee sira utiliza sei intrega hotu ba iha governu liu-liu ba Ministeriu Justisa atu bele administra fali ekipamentus neébe sei intrega husi forsa ISF neé”Dehan Ministru Justisa Dionisio Babo hafoin hasoru malu ho Kaptaun Dylan Mcdonald iha Gabinete Ministro Segunda (14/01)
Ministru mos salienta tan katak lori govenru nian naran fo parabens ba forsa ISF nian apoiu neebe fo ekipamentu lojistik mai iha governu atu ajuda governu atu bele halo servisu diak liu tan iha futuru.

Tuir planu Forca Estabilizasaun Internasional (ISF) sei intrega edifisiu no ekipamentus iha loron 15 fulan fevereiru tinan ida neé.