Dili-Ministru Justisa Dionisio Babo Akompania husi Vise Ministru, Sekretariu Estadu Terras no Propriedade no Membro V Governu Konstituisional tomak akompania Primeiru Ministru Kay Rala Xanana Gusmao hodi aprezenta orsamentu Jeral do Estado tinan 2013 ba Parlamentu Nasional hodi diskuti.

Iha diskursu Primeiru Ministru Kay Rala Xanana Gusmao hateten katak ohin hanesan loron Primeiru hodi aprezenta orsamentu Jeral Estadu ba tinan 2013 ba Parlamentu Nasional,iha Setembru kotuk hau hetan biban atu mai aprezenta iha uma fukun ida neé kona ba programa V governu Konstituisional nian ba tinan lima oin mai.

“Agora ita iha ona vizaun ida ho planu ida atu implementa hodi bele sai husi pais kiak ba pais ho rendimentus medius altus,iha tinan 2030 ho populasaun neébe segura,saudavel,instruida,no produtiva iha tinan 10 nian laran moris nudar estado independente no seberano ita hasoru problemas oi-oin tuir ita nian situasaun, maibe tamba lideransa Timor oan sira hatene hatudu diak liu fali paizes sira seluk”Dehan Primeiru Ministru iha Parlamentu Nasional Segunda (04/02).

PM mos informa tan katak iha 2013 ita sei investe total osan hamutuk Dollar US$ 1.797.52 Milloens ba nesesidade Paiz ida neé,hodi fo prioridade ba Infra-Estrutura,AgriKultura,Saude,no ba Edukasaun kompara ho tinan uluk ami aumenta investementu iha Agrikultura ba 28% iha Edukasuan 12% ba Saude 15%.

Orsamentu Estadu ba 2013 2013 preve atu investe US$ 892 Milloens iha capital Dezenvolvimentu husi neé US$ 753 milloens ba projeitus plurianuais neébe boót iha fundu Infra-Estrutura,programa ne’ebe boót iha infra-Estrutura hanesan Elektrisidade hamutuk US$ 173,9 Milloens,Estrada US$ 116 Milloens,Tasi Mane US$ 139 Milloens.