Dili-Ministru Justisa Dionisio Babo akompania husi Sekretariu Estadu Terras no Propriedade halo reiniaun ho Diretores Nasional tomak hodi fo orentasaun ba Diretores hotu-hotu atu ejekuta orsamentu Jeral Estadu tinan 2013 ba Ministeriu Justisa nian tuir programa no planu neébe Diresaun hotu-hotu aprezenta ona.

Tuir Ministro Justisa Dionsio Babo hateten katak orsamentu jeral tinan ida neé Ministeriu Justisa aumenta tan no kada diresaun hotu-hotu mos sae tan tamba neé tenke ejekuta orsamentu neébe Parlamentu Nasional aprova ona ba Ministeriu Justisa tuir planu no programa neébe Diretores hotu aprezenta.

“Orsamentu Jeral estadu tinan 2013 ba Minsiteriu Justisa aumenta tan tamba neé ejiji ita hotu atu servisu makas liu tan tamba osan amumenta konserteza servisu mos aumenta tan tamba neé Diretores hotu-hotu iha Minsteriu ida neé nia laran atu iha responsabilidade ba osan neébe Parlamentu Nasional aprova ona mai iha Ministeriu ida neé”Dehan Ministru Justisa Dionisio Babo hafoin halo reiniaun ho Diretores Nasional tomak iha Ministeriu Justisa iha Salaun Reiniaun Ministeriu Justisa Kaikoli Tersa (19/02).

Ministru fo informa tan katak ba tinan ida neé ejekusaun orsamentu la hanesan ho tinan uluk liu ba tamba Parlamentu Nasional fo uluk 75% ba Ministeriu hotu-hotu atu ejikuta tuir planu no programa neébe Ministeriu ida-idak aprezenta depois ejekuta la toó mak Ministerio hotu-hotu sei ba fali Parlamentu Nasional atu bele husu autorizasaun husi Parlamentu Nasional hodi foti tan 25%.

Iha fatin seluk hanesan Sekretariu Estadu Terras no Propriedade Jaime Xavier hateten katak fiar ne’ebe governu fo ba SETEP sei la halo monu ba rai tamba neé Sekretariu Estadu promote sei servisu makas hodi fo orientasaun ba Diretors hotu iha SETEP nian laran atu servisu makas liu tan hodi atinji objektivu ne’ebe V Governu Konstituisional planeadu ona.