Dili-Ministeriu Justisa Dionisio Babo akompania husi Sekretariu Estadu Terras no Propriedade Jaime Xavier hamutuk ho ekipa Komisaun Kadestral hodi diskuti Programa no planu kona ba lei rai nian hodi hein Lei rai nian hetan aprovasaun husi Parlamentu Nasional.

Tuir Ministru Justisa Dionisio Babo hateten katak banhira lei rai nian hetan aprovasaun husi Parlamentu Nasional mak sei ejiji ita hotu atu servisu makas liu tan tamba neé agora tenke prepara aán ona atu nunee banhira lei ne’e sai hein inplementasaun.

“Ita hotu hatene katak ba tinan ida neé Orsamentu ba Sekretariu Estadu Terras mos bót tamba neé agora dadaun tenke prepra aán hodi hein lei rai nia atu aprova banira lei neé aprova ona mak hein deit inplementasaun planu no programa neé ita iha ona tuir lei neé,se agora mak seidauk prepra aán mak ita sei todan oituan”Dehan Ministru Justisa Dionisio Babo hafoin halo enkontru ho Sekretariu Estadu Terras no Propriedade iha sala Reiniaun MJ nian Sexta (26/02).

MJ akresenta tan katak agora dadaun tenke indentifika propriedade governu nian neébe okupa illegal husi komunidade atu fo nafatin notifikasaun atu nune sira mos bele hatene toó lei neé aprova ona hein ezekuta tuir lei neéb iha.

“Ba fatin neé iha IV governu Konstituisional notifika ona agora atu kontinua fo nafatin samada atensaun ba ita nian komunidade sira atu nune sira mos bele prepara aán molok lei rai nia hetan aprovasaun”dehan MJ.