Dili- Emabaixador Designadu husi Reinu Norwegia Stig Ingemar Traavik hasoru malu ho Ministru Justisa Dionisio Babo hodi halo koperasaun entre nasaun Timor Leste no nasaun Norwegia iha Futuru liu-liu iha Seitor Justisa.

Hafoin hasoru malu Embaixador Designadu husi Reinu Norwegia Sr.Stig Ingemar Traavik informa katak Nasaun Norwegia prontu nafatin atu halo koperasaun diak ho nasaun Timor Leste iha futuru liu-liu iha setor Justisa nian.

“Maske agora dadaun Nasaun Norwegia nia embaxada seidauk existi iha Timor Leste mai iha futuru sei hari embaixada iha Timor Leste tamba neé ohin hanesan loron inportante ida hodi mai hasoru malu ho Ministru Justisa Timor Leste Dionisio Babo oinsa ba futuru nasaun Norwegia ho Timor Leste bele halo koperasaun diak liu-liu iha setor justisa nian”Dehan Embaixador Norwegia Stig Ingemar Traavik iha Gabinete Ministru Justisa Kaikoli Dili Tersa (26/02).

Hafoin hasoru malu Ministru Justisa Dionisio Babo informa katak Nasaun Timor Leste prontu atu halo koperasaun diak ho nasaun neébe deit liu-liu iha setor Justisa nia tamba neé ohin Embaixador Norwegia mai atu halo koperasaun entre Timor Leste ho Norwegia iha futuru liu-liu iha Setor Justisa.

“Nasaun Norwegia fo ona nia kontribuisaun makas iha Timor Leste liu-liu iha setor Justisa liu husi parseriu Dezenvolvimentu UNDP neébe sempre fo tulun ba nasaun Timor Leste maske Nasaun neé rasik toó agora seidauk iha nian emabaixada iha Timor Leste tamba neé iha futuru Nasaun Norwegia mos sei hari nia emabaixada iha Timor Leste”dehan Ministru Justisa Dionisio Babo.

Iha enkontru neé Partisipa husi Ministru Justisa Dionisio Babo akompania husi Vise Ministru Ivo Valente,Sekretariu Estadu Terras no Propriedade Jaime Xavier, Direitor Jeral Fransisco Carseres, Direitor DNAJL Nelinho Vital,Direitor DNDHC Celito Cardoso.