Dili-Ministru Justisa Dionisio Babo Partisipa iha diskusaun Politika bilateral entre Nasaun Timor Leste ho Uniaun Eropa iha Ministeriu Negosiu Estranjeiru no Koperasaun iha Tersa foin lalais neé.

Iha Diskusaun neé Ministru Justisa Dionisio Babo aprezenta lalaok servsiu setor Justisa nian iha Timor Leste em Jeral ba delegasaun husi Nasaun Uniaun Eropa ba progresu dezenvolvimentu iha Timor Leste liu-liu ba setor Justisa durante tinan 10 nia laran Timor Leste hetan independensia.

“Iha diskusaun bilateral entre Timor Leste ho Uniaun Eropa iha aspeitu tolu mak sai asuntu inportante iha diskusaun neé hanesan Boa-governasaun, direitus humanu,direitu igualidade,integarasaun ba ASEAN Iha diskusaun neé mos hamosu ideia ida hodi organiza dialogu kada tinan hodi indentifika planu asaun ruma entre Timor Leste ho Uniaun Eropa”Dehan Ministru Justisa Dionisio Babo hafoin paritisipa iha Diskusaun neé.

Iha diskusaun bilateral entre Timor Leste ho Uniaun Eropa neé partisipa husi Ministru Justisa Dionisio Babo,Vice Ministru Negosiu Estranjeiru Costancio Pinto,Sekretario Estadu Terras no Propriedade Jaime Xavier,Sekretariu Estadu Apoiu Setor Privadu Veneranda Lemos,inklui Diretor Nasional husi Ministeriu hotu.