Dili-Ministru Justisa,Dionisio Babo akompania husi Vise Ministru, Ivo Valente halo reiniaun hamotuk ho Direitur Nasional husi Ministeriu Justisa tomak atu aprezenta planu asaun no planu trimestral iha fulan ida neé ba Ministru Justisa molok atu aprezenta ba Ministeriu Finansas,reiniaun neé halao iha Sala Reiniaun Ministeriu Justisa Caicoli Dili Quarta (20/03).

Iha reiniaun neé Ministru Justisa, Dionisio Babo inoforma katak Direitor Nasional tomak tenke aprezenta planu asaun no trimestral atu nune bele hatene lolos servisu diresaun ida-ida nia liu-liu ba funsionariu publiku sira tamba dala barak funsionariu sira ladun hatene nia funsaun atu halo saida ba semana neé no ba semana oin.

“Direitur Nasional tomak Husi Ministeriu Justisa tenke aprezenta planu asaun no trimestral molok loron 9 fulan Abril tinan ida neé tenke supmete ona ba Gabinete Ministeru Justisa nian,se lae funsioariu barak balun la dun hatene nian funsaun tamba neé mak Ministeriu Justisa tenke prepara ona planu asaun no trimestral”Dehan MJ.

Iha inkontru neé partisipa husi Ministro Justisa Dionisio Babo,akompania husi Vise Ministro,Direitor Nasional Ministerio Justica Fransisco Carcerres,Chefe Gabinete Ministru Justisa Mateus Rita,no Direitor Nasional tomak husi Ministeriu Justisa tomak.