Dili-Ministru Justisa, Dionisio Babo akompania husi Vise Ministru Ivo Valente halo primeiru Vizita kortezia ba edifisiu Defensoria Publiku hodi hare direitamente servisu neébe Defensoria Publiku halo, no hare kondisaun edifisiu neé rasik, tamba toó agora Defensoria Publiku sei dauk iha edifisiu ida neébe diak atu bele halao sira nia servisu,halao vizita neé iha edifisiu Defensor Publiku Maskarinha Dili Sexta (22/03).

Tuir Defensoria Publiku Geral Sergio Hornai hateten katak sente orgolhu tebes ho prezensa Ministru Justisa nia hodi mai halo vizita kortezia iha edifisiu Defensor Publiku hodi hare servisu saida mak ami halaó durante neé e mos hodi hare dereitamente ami nia edifisiu neébe toó agora sei dauk iha rehabilitasaun.

“Prezensa Ministru Justisa nian inportante tebes foin primeira mez mai halao vizita ida neé iha Defensoria Publiku hafoin simu Posse iha tinan kotuk hodi mai hare saida mak defensoria halo durante neé e mesmu tempu mai hodi esplika programa V Governu Konstituisional nia liu-liu iha seitor Justisa ba tinan lima oin mai”Dehan Defensor Geral Sergio Hornai.

Hafoin halo vizita Ministro Justica, Dionisio Babo hateten katak Sente orgolhu tebes tamba ohin bele mai hamotuk ho imi iha fatin ida neé tamba servisu defensoria inportante tebes iha paiz ida neé atu bele fo asisstensia legal ba ita nian povu neébe atu hetan justisa.

“Prezensa Defensor Publiku iha paiz Demokrasia ida neé tamba ita nia advogadu sei dauk forte tamba neé mak estado iha hanoin hodi hari defensoria Publiku hodi fo asistensia legal ba ita nia povu neébe atu hetan jusitsa ”Dehan Ministru Justisa.

Prezidente Magestradu Defensor Publiku informa mos katak ita hare Defensor agora hamutuk foin mak 17 tamba neé difikulta tebes ita boót sira atu halo servsiu liu-liu atu fo asistensia legal ba povu banhira iha julgamentu iha Tiribunal tamba neé Ministeriu Justica iha politika hodi hari Centro Formasaun Juridico (CFJ) hodi fo formasaun ba Timor Oan neébe hakara kontribui ba seitor Justica iha Timor Leste liu-liu iha defensoria publiku no agora dadaun ita iha tan defensoria Publiku nain 5 mak sei haláo hela estajiu ita fiar katak iha futuru sira mos bele sai mos hanesan sira seluk.