Maliana, Vise Ministru Justisa Ivo Valente, hamutuk ho Vice Ministra Saude Dra. Natalia de Araújo, Procuradora Geral da Republica Dra. Ana Pessoa, Embaxador Australia Sr.Miles, no reprezentante husi instituisaun sira seluk hanesan SEPI, PDHJ etc, partisipa iha inaugurasaun uma Fatin Hakmatek iha sub distritu Maliana distritu Bobonaro. ( área hospital referal Maliana ) iha loron, terça-feira dia 26 – 03 – 2013.

Iha seremonia ida ne Vise Ministra Saude, Dra. Natalia de Araújo hanesan insituisaun nebe halo parseria ho AusAID ( Australia), hodi harii uma / fatin hakmatek, inaugural uma refere, iha nia intervensun agradese partisipantes nebe partisipa serimonia inaugurasaun ida nee, no espesialmente agradese ba apoiu governo Australiano ( liu husi AusAID ) nebe fo tulun ba NGO PRADET hodi bele prepara fatin hamkmatek iha distritu lubuk ida hanesan iha Oecusse, Covalima / Suai, no iha future planea mos atu hari iha Maubisse noo Baucau.

Harii fatin hakmatek ba ema moras mental no liu liu ba ema nebe vulneravel, iha distritu Bobonaro, Governo Timor Leste agradece embaixador Australiano nebe laran luak fo apoiu ne. Iha uma fatin hakmatek ne hari ona iha distritu rua hanesan Oekusi, Suai e ohin hari mos iha sub distritu Maliana, Embaixador Australia sei fo tan apoiu atu hari tan uma fatin hakmatek iha distritu Baukau no Maubise.

Embaixador Australia hatete katak iha uma fatin hakmatek ne, hakarak fo apoiu ba ema nebe sai vitima ba violensia domestika, labarik sira nebe abandonado e hein katak sira bele hetan tramentu didiak durante halão investigasaun, wainhira lori ba proseu iha tribunal

Programa Ikus iha inaugurasaun ne, Vise Ministra Saude Dra. Natalia de Araújo ho Prokuradora Geral da Republika Dra. Ana Pessoa kua bolu, noo kontinua Kua fita husi Vise Ministra Saude hamutuk ho Embaixador Australia simu Chave hodi loke odemata.

Vice Ministro Justica, Ivo Valente, konsidera katak, ho fatin hakmatek, sistema protesaun ba vitima sira nebe vulneravel, hanesan feto, labarik no ema kiak sira, sei hetan atensaun boot husi Estado Timor - Leste, atu garate sira nia moris hakmatek ( soçego), hodi sira bele iha futuru ida ho esperansa ida nebe bele hetan vida ida prospero / bem -estar !