Dili-Ministru Justisa,Dionisio Babo partisipa iha serimonia Selebrasaun loron aniversariu Polisia Nasional Timor Leste (PNTL) ba dala (13) iha Guartel Geral Caicoli Dili Quarta (27/03) ho Tema “Husi Komunidade,ho Komunidade ba Komunidade,”.Hafoin halao Selebrasau Komisariu Polisia Nasional Timor Leste (PNTL) Longinhos Monteiro iha nia Diskursu hateten katak Polisia Nasional Timor Leste (PNTL) ohin foin mak halo tinan 13 hahu husi zero tamba neé hanesan loron Spesial ida ba PNTL,tamba iha tinan ida neé orienta servisu operasional PNTL nia hotu sem dependensia UNPOL nia iha tinan 4 nia laran halo esforsu aán makas hodi marka nia pozisaun ida hodi garantia nia pozisaun tuir criteria neébe UNPOL sira inpoin.

“Ohin loron loron special ba PNTL tamba ultapasa ona problema barak neébe durante neé ita hasoru objektivu neébe ohin loron ita alakansa mai husi ita hotu nia komitmentu hodi kaer metin iha prinsipiu ida nudar instituisaun tutela estadu nia hodi fo siguransa ba povu no nasaun ida neé”Dehan Komisariu Loginhos Monteiru.

Iha fatin seluk Ministru Defeza no Siguranca atual Primeiru Ministru Kay Rala Xanana Gusmao iha nia diskursu hateten katak tinan ida neé ita hotu tenke temi katak Spesial hodi hare ba kotuk tamba hahu hari PNLT iha tempu neébe difisil tebes falta rekursu humanus,ita nia governu seidauk iha,ita nia estadu sei dauk hamrik toó ohin loron iha tinan 13 née nudar estdu ida neébe hari ho ran iha instituisaun hotu-hotu.

“Iha tina hat ou lima nian laran hamutuk ho Misaun Nasoes Unidadas nia maka ita hotu hanoin oinusa hadia PNTL nia laran halo reforma hari instituisaun hari ida-idak nia komando ho kompetensia didiak komanante sira,hau (MDS) hatene katak ema hotu-hotu seidauk sente satisfeitu ho formasaun diviza no kazu sira neébe agora sei dauk haláo prosesu maibe ita hotu tenke hein tamba nia lalao mak nune ona ’’Dehan Ministru Defeza no seguransa Xanana Gusmao.