MJ-Prezidenti FP fo Posse ba Diretores no Inspektores

MINISTERIU justisa (MJ) liu hosi Komisaun Funsaun Publiku (FP), kinta (25/2) liu-ba fo posse ba diretores nain foun nain 7 no inspektores ba inspesaun geral iha Ministeiru Justisa nian.

Iha sermonia tomada de posse ne’ebé hala’o hosi prezidente Funsaun Publiku (FP), Ministra Jutisa (MJ), Ministru Estatal nian ne’e halao iha salaun Ministeiru nian no hetan partisipasaun máximu husi funsionário ministerio justisa nian tomak.

Diretur foun ne’ebé hetan posse mak hanesan, Francisco Carceres hanesan director geral, Marcelina Tilman hanesan Diretora Sentru Formasaun Juridika Jamie Xavier hanesan Diretór Terras Propriedade e Servisu Kadastrais, Celito Cardoso hanesan Diretor Diresaun Nasional Direitus Humanus no Cidadania, Mario Ximenes hanesan Diretor Diresaun Nasional Registu Notariadu Vasco Soares hanesan Diretór Diresaun Nasional Assesoria Juridika e Legislasaun no Juliana Fatima Gama sai hanesan Diretora ba Diresaun Diresaun Nasional Servisu Prizieonais no Renisersaun Sosial.

Iha seremonia refere Prezidenti Funsaun Publiku fo mos posse ba Isnspektór Jeral ne’ebé nomeia hosi Henrigue Ximenes Oliveira ho nia Adjuntu nain rua, Crisogno da Costa Neto no Lucas Antonio da Costa.

Remata tiha tomada de posse, Prezidenti FP Liborio Pereira hato’o parabens ba directores foun katak, bá kargu ne’ebé sira hetan atu tau intrese povu nian mak iha leten hodi halakon intrese privado nune’e bele halao servisu ba ema hotu nian.

Tuir Liborio, tomada de posse ne’e bazeia ba estatutu funsaun publiku nune’e diretór hirak ne’e sei halao sira funsaun ho durasaun tinan ida.
Iha fatin hanesan ministra justisa, Lúcia Lobato hateten, nia parte sinte kontente tebes ba diretur hirak ne’ebé hetan tomada de posse ho rajaun bele ajuda ministeiru hodi bele halao servisu iha fatin refere.

Iha seremonia ne’e hala’o mos asina plaka ba edifisiu foun diresaun nian iha distritu 13, ne’ebé assina mak hanesan Henrigue Ximenes Oliveira, assina plaka ba edifidiu foun DNRN iha distritu 13, Antonio Verdial Assina plaka ba edifisiu DNTP nian no Helena Gomes Assina Plaka ba Prizaun Becora no Gleno.

“Hau sei deposita hodi fo konfiansa ba sira(Diretores-Red) nune’e sira ho hau iha ministeiru ida ne’e halao servisu hodi serbi ita nia nasaun, nune’e mos ba hau nia diretores sira ne’ebé servisu hamutuk ho hau durante tinan rua nia laran la haluhan hato’o hau nia agradese bo’ot ba sira tanba sira halo esforsu makas hodi fo apoiu servisu iha Ministeriu Justisa durante tinan rua nia laran,” dehan ministra.

Nune’e nudar Ministra, Lúcia hato’o mos ninia agaradese ba komissaun funsaun publiku ne’ebé fo atensaun fo importansia ba nomeasones sira ne’ebé halo iha iha Ministeiru.

Haree ba durasaun nomeiasaun nian tuir ministra nia hanoin nomeasaun ne’e hala’o ba tinan rua, maibe ida ne’e ba tinan ida deit, no nia parte labele atu intervein komisaun funsaun publiku nia servisu.

Remata tiha tomada de posse ministra mos fiar no garantia katak, diretór sira ne’ebé foin hola tomada de posse inklui mos inspektores, sira sei halao servisu ne’ebé diak.

Tanba, tuir Ministra diretores hirak ne’ebé halo tomada de posse hanesan Timor-oan lobuk ida ne’ebé ho esperensia naton, didikasaun ida firme, atidaun ba servisu e hau fiar katak sira sei halo servisu ida diak ba ministeriu da justisa.

“Hanesan mos hau, wainhira hanesan ministra hau sei hetan apoiu makas hosi hau nia diretores sira, klaru diretores sira mos tenki hetan apoiu husi funsionariu sira, tanba ministra mesak labele halo servisu bo’ot ida iha ministeriu tomak. Ho ida ne’e diretores sira mesak mos servisu sei la la’o nune’e funsionariu sira tomak iha papel importante atu hala’o servisu hodi servi ita nia nasaun.

Iha tomada de posse ne’e ministra fo liu atensaun iha faze ida foin halo nomeasaun ne’e ba kargu ida ne’ebé assume papel importantisimu iha inspeksaun.

“Hau agradese ba komisaun funsaun publiku tanba fo fiar ne’e ba hau nia funsionariu seniór nain tolu ne’ebé durante ne’e hatudu ona sira nia matenek e sira iha duni kapasidade atu vesse funsaun importante ne’e,” tenik ministra.

Nia salient mos katak, sira nain tolu ne’ebé sai nudár Inspekor jeral mak hanesan, Henrique Ximenes Oliveira, ho nia adjuntu nain rua mak hanesan Crisogno da Costa Neto no Lucas Antonio da Costa.

Sira nain tolu sei sai team kikoan ida ne’ebé sei halao servisu importante nian iha ministeriu tanba knar foun ida foin mak atu hari. Hau sei fo importansia ida bo’ot iha faze ida inisial atu monta sira nia servisu fatin.

Nune’e tuir ministra inspektores sira ne’e sei tu’ur hamutuk ho ministra hodi aprezenta ba ministra saida mak sira presiza atu halao servisu importante iha ministeriu. Ministra hateten.



Ananias Babo Horta

Media Officer Gabinete Ministra da Justisa