Dili-Forsa Stabilizasaun Internasional (FSI) intrega edifisiu Heli Port ba Governu liu husi Ministeriu Justisa hodi administra fali propridade estadu nia tamba durante tinan barak propridade neé utiliza husi FSI tamba neé ohin entrega ona ba estadu hodi utiliza atu bele hari fali edifisiu estadu nia iha fatin refere, hand over neé lao iha Bairo Pite Palacio Prezidente nia kotuk Segunda Feira neé (25/03).
Dili-Ministru Justisa, Dionisio Babo akompania husi Vise Ministru Ivo Valente halo primeiru Vizita kortezia ba edifisiu Defensoria Publiku hodi hare direitamente servisu neébe Defensoria Publiku halo, no hare kondisaun edifisiu neé rasik, tamba toó agora Defensoria Publiku sei dauk iha edifisiu ida neébe diak atu bele halao sira nia servisu,halao vizita neé iha edifisiu Defensor Publiku Maskarinha Dili Sexta (22/03).
Dili, Vice Ministru Justisa, Ivo Valente, Lidera reuniaun konsellu konsultivo quinquinal, Ministerio Justiça (dia 19 de Maço 2013).
Reuniaun ne partisipa husi dirasaun tomak iha Ministeriu Justisa, Director Geral, Direktores nasionais, Xhefe departementu finanças, Xhefe gabinete Ministro no Vice Ministro da Justiça.
Dili-Ministru Justisa,Dionisio Babo akompania husi Vise Ministru, Ivo Valente halo reiniaun hamotuk ho Direitur Nasional husi Ministeriu Justisa tomak atu aprezenta planu asaun no planu trimestral iha fulan ida neé ba Ministru Justisa molok atu aprezenta ba Ministeriu Finansas,reiniaun neé halao iha Sala Reiniaun Ministeriu Justisa Caicoli Dili Quarta (20/03).
Dili-Ministru Justisa,Dionisio Babo halo Reniaun ho Veteranus husi Distritu Ermera hodi diskuti Problema rai neébe sempre akontese iha Distritu Ermera,liu-liu ba propriedade iha Suku Fatu Besi tamba durante neé propriedade hetan problema entre Suku Fatu Besi ho Suku Vizinhu hanesan Suku Fatu Bolu,Suku Ura Hou,enkontru neé halo iha Edifisiu Gabinete Ministru Justisa (GMJ) Tersa (20/03).
Dili-Tribunal Distritral Dili (TDD) halo Julgamentu ba kazu pagamentu taxa neébe durante neé kompania Conoco Philips la selu no hatama relatoriu neé lalos ba estadu Timor Leste kona ba rendementu annual iha tinan 2009, iha Segunda (18/03) haláo primeiru julgamentu ba kazu Conoco Philips halo hasoru estadu Timor Leste neébe rejista iha Tribunal ho numeru prosesu 39/civil/2012/TDD.
