REPÚBLICA DEMOCRÁTICA DE TIMOR-LESTE

Deliberasaun CNE/01/V/2015

Aprovasaun Kalendariu Resenseamentu Eleitoral no Aktualizasaun Baze ba Dadus ba Eleisaun Lideransa Komunitária 2015

Iha Reuniaun Plenaria Ordinária loron 6 fulan Maiu tinan 2015, CNE apresia no aprova kalendariu Resensiamentu Eleitoral no Atualizasaun Baze de Dadus ba Eleisaun Lideransa Komunitária 2015.

Haktuir artigu 65 Konstituisaun RDTL no artigu 8 Lei Nú.05/2006 loron 28 fulan Maiu, ho nia alterasaun ba Lei Nú. 6/2011, loron 28 fulan Novembru kona ba Lei Orgaun Administração Eleitoral, primeira alterasaun Lei Nú. 05/2006 Komisáriu/a sira delibera Kalendáriu Resenseamentu Eleitoral no Atualizasaun Baze de Dadus ba Eleisaun Lideransa Komunitária 2015, relasiona ho proposta ne'ebe STAE apresenta liu husi karta "Nú. 104/DG-STAE/V/2015, ho Asuntu: Kalendáriu RE-ABD ba Eleisaun Lideransa Komunitária 2015". Kalendáriu Resenseamentu no Atualizasaun Baze de Dadus, ba Eleisaun Lideransa Komunitária 2015 hahu iha fulan Maiu no finaliza iha fulan Setembru 2015 ne’ebe sei hala'o iha teritoriu tomak iha nivel Posto Administrativu no Munisípiu, ho sekuensia aktividades sira hanesan tuir mai:

  1. Anúnsiu públiku ba aktividade Resenseamentu Eleitoral no Atualizasaun Baze de Dadus ba Eleisaun Lideransa Komunitária 2015, hahu'u iha loron 6-10 fulan Maiu 2015

  2. Lansamentu aktividades Resenseamentu Eleitoral no Atualizasaun Baze de Dadus ba Eleisaun Lideransa Komunitária 2015 iha Munisípius 12, inklui Rejiaun Oe-Cusse iha loron 11 fulan Maiu tinan 2015.

  3. Implementasaun aktividades Resenseamentu Eleitoral no Atualizasaun Baze de Dadus ba Eleisaun Lideransa Komunitária 2015 hahu husi Loron 11 fulan Maiu to'o loron 14 fulan Agustu tinan 2015 (hamutuk loron 66).

  4. Asegura no restaura (Backup/Restore) dadus ba Resenseamentu Eleitoral no Atualizasaun Baze de Dadus ba Eleisaun Lideransa Komunitária 2015, iha loron 17-19 fulan Agustu tinan 2015.

  5. Imprimi resultadu provizoriu husi aktividade Resenseamentu Eleitoral no Atualizasaun Baze de Dadus hala'o iha loron 19 fulan Agustu tinan 2015.

  6. Halo aktividades Ezebisaun no Mudansa iha Teritoriu Timor-Leste, iha loron 19-29 fulan Agustu tinan 2015 .

  7. Imprimi resultadu Final Aktividades Resenseamentu Eleitoral no Atualizasaun Baze de Dadus ba Eleisaun Lideransa Komunitária 2015, iha loron 4 fulan Setembru tinan 2015

  8. Aprezenta Resultadu final no númeru total Eleitor ba Comissão Nacional ba Eleições iha loron 7 fulan Setembru tinan 2015.

  9. Halo atendimentu ba eleitor sira hodi imprimi Kartaun Eleitor ne'ebe lakon iha loron 14-24 fulan Setembru tinan 2015.

Liu husi Reuniaun Plenária Ordinária ne’e, Komisariu/a CNE aprova Kalendariu Resenseamentu Eleitoral no Atualizasaun Baze de Dadus ba Eleisaun Lideransa Komunitária tinan 2015 iha aneksu.

 

Dili, loron 6 fulan Maiu tinan 2015

Aprova husi;

  1. Prezidente CNE: Drs.José A. da Costa Belo, MM ...................................

  2. Alcino de Araújo Baris, SH,Msi ....................................

  3. Joana Maria Dulce Vitor ....................................

  4. Maria Virna Ermelinda Soares ....................................

  5. Bernardo Martinho N. Cardoso, L. Dir ....................................

  6. Drs. Faustino Cardoso Gomes, B.A. M.si ....................................

  7. Francisco de Vasconcelos, L Agr.Ec ....................................

  8. Teresinha Maria N. Cardoso, A.Mc ....................................

  9. Odete Maria Belo, S.E., MM. ....................................

  10. Reinato Bere Nahac, SH ....................................

  11. Marcia M.Filipe Sarmento, SH ....................................

  12. Ana Paula Fonseca M.de Jesus, SH ....................................

  13. Pe. Aniceto Maia da Costa, O.Carm. ....................................

 

  1. Arif Abdullah Sagran, M.Si ....................................

  2. Gizela da Cruz de Carvalho, L. Ed ....................................